వీళ్ళు యేమి చదివారు?ఆ చదువు యేమి సంస్కారం నేర్పింది?

          యాబై అరవై యేళ్ళుగా తెలంగాణాకి ద్రోహం జరగడంలో తెలంగాణా రాజకీయవేత్తల ప్రమెయమే యెక్కువని అంత కాలం రాజకీయ జీవితం గడిపాక కూడా ఇతనికి నిజంగానే తెలియదా? ఈ మనుషుల బ్రోకరేజి వ్యాపారం చేసి పైకొచ్చిన వాడు పెద్ద నీతిమంతుదిలా పోజులు కొడుతూ ఆంధ్రా రాజకీయ వేత్తల్ని మాత్రమే అంటున్నాను సామాన్యుల్ని కాదు అని యెంత సమర్ధించుకున్నా కొన్ని లక్షల కోట్ల మంది ముందు సభావేదికల మీద పచ్చి బూతుల్ని కూడా అవి బూతులు కాదని తెగబడి యెలా మాట్లాడ గలిగాడు?

       ఇంతకు ముందు మాతృ రాష్ట్రం నుంచి విడిపోయిన రాష్ట్రాలు మొదట విడిపోవటానికి సభలో మెజారిటీ మైనారిటీ లెక్కలతో కొలిస్తే అంకెకి తక్కువే అయినా తమ శాసన సభలోనే విభజన ప్రతిపాదన చేసి ప్రతికక్షుల్ని కూడా వొప్పించి సోదర రాష్ట్రాలు రెండూ సాదరంగా విడిపోయాయని తెలిసి కూడా ఇక్కడ మేము అంకెకి తక్కువున్నాం మాకు న్యాయం జరగదు అని ఆర్టికిల్ మూడుని భుజానేసుకుని యెందుకు తిరిగాడు?ఆంధ్రోళ్ళని తిడుతూ విడిపోయే అమర్యాద కరమయిన పధ్ధతిలోనే తెలంగాణా తీసుకురావాలనే వూహ యెలా వచ్చింది ఇతనికి?

           ఒకసారి వాహనాల చట్టంప్రకారం రిజిస్టరు చేయబడిన వాహనానికి రెండవ రిజిస్ట్రేషన్ అనే చెత్త వూహ యెలా వచ్చింది?వాహనాల చట్టంలో యేమయినా అస్పష్టత వున్నదా?లేదే, కోర్టు ముక్క చివాట్లు పెట్టింది గదా?అప్పటికీ వెనక్కి తగ్గకుండా వాహనం మీద వుండే నంబరు ప్లేటు మీద మాత్రం మారిస్తే చాలుననే మొదటిదాని కన్నా చెత్త వూహ యెలా వచ్చింది?హత్యలూ దోపిడీలూ చేసి పారిపోయే వాళ్ళు చేసినట్టు యే వాహన యజమాని అయినా తప్పు నంబరు వాహనం మీద వేస్తే ట్రాఫిక్ పోలీసులు చూస్తూ వూరుకుంటారా?అలా వూరుకోమని ప్రభుత్వాధినేతగా లిఖిత పూర్వకంగా పోలీసులకి ఆదేశాలు జారీ చెయ్యగలడా?

       తెలంగాణా సిటిజన్ కార్డు గురించి మాట్లాడేటప్పుడు ఈ దేశమలో దేశమంతటా ఒకే రకమయిన పౌరసత్వం వుంటుందనీ యే రాష్ట్రంలోనూ రాష్ట్రం పేరుతో పౌరసత్వపు కార్డులు లేవనీ నిజంగానే తెలియదా?పదో తరగతి వరకూ జాగర్ఫీ, హిస్టరీ, సివిక్సు అనే పాఠాలు చదివిన వాళ్ళేవరికయినా తెలిసే విషయం ఈవిడ కెందుకు తెలియలేదు?

        ఒకప్పుడు దెయ్యాలకి భయపడి జనాలు "ఓ స్త్రీ రేపు రా" అని రాసుకున్నట్టు తెలంగాణాలో వుండాలనుకున్న ఆంధ్రా వాళ్ళంతా ఇంటి తలుపుల మీద ఆ విషయం ప్రత్యేకంగా వుల్లేఖించాలని యెలా అనగలిగింది?అది తెలంగాణేతరు లందరికీ చెప్పిందా,ఆంధ్రావాళ్లకి మాత్రమేనా?రాజ్యాంగ బధ్ధంగా యెన్నికయిన వాళ్ళు ఇలాంతి అసమానతల్ని ప్రజలకి ఆదేశించటం కుదరదని నిజంగానే తెలియదా??అంతకాలం మేము రాజకీయ నాయకులనే ద్వేషిస్తున్నాం అని చెప్పుకుంటూ ఆ మాట చెప్పింది మాత్రం సామాన్య ప్రజలకే గదా!

     కాశ్మీరు తో సహా పాకిస్తాను వాళ్ళు యేమి అడిగితే అది ఇచ్చేసి పాకిస్థానుతో స్నేహంగా వుండవచ్చు కదా యెందుకీ యెడతెగని కలహాలు అని భారత ప్రభుత్వానికి చాలా గొప్ప సలహాల్ని ఇచ్చిన ఈ మనిషి పొరుగు రాష్త్రం విషయంలో తన తండ్రికి ఆ సలహా ఇచ్చి అది అతను పాటించేటట్లు చెయ్యగలదా?పోనీ ఈ గొప్ప ఆలోచనతో ముందుకెళ్తే రేపు పాకిస్తాను వాళ్ళు నిజాము యెటూ నేను ఇండియాలో కలవను పాకిస్తానులో కలుస్తాను నాకు పాకిస్తాను వరకూ రోడ్డు మార్గం కావాలని అడిగాడు కాబట్టి ఆ నిజాము గారు పరిపాలించిన ప్రాంతాన్ని కూడా అడిగితే సంతోషంగా వొప్పుకుంటుందా?

     బ్రాహ్మణ సంస్కృతిని విమర్శించడానికి హేతువాది నంటాడు,బ్రాహ్మణీకపు హిందువులు  మతం పేరుతో గుడిగోపురాలు కట్టి యెన్నో దుర్మార్గాలు చేశారంటాడు,తన కులపోడికి స్మారక భవనం కడితే మాత్రం సమ్మగా వుంది ఈ హేతువాదికి?!పాముల నెందుకండీ రెండు నాల్కల విషజంతువులని తిడతాం,పాపం?! 

       మా ఇంట్లో పేర్లన్నీ మల్లయ్య,కొమురయ్య,కట్టయ్య్య,ఐలయ్య - ఈ దేవుడి పేరు నుంచి వచ్చినవే.కానీ వెలమల్లో ఈ పేరున్న ఒక్క మగ లేదా ఆద వ్యక్తి మనకి కనిపించడు.నరసింహా రావు,రామారావు,విద్యాసాగర రావు,రాజేశ్వర రావు అనే బ్రాహ్మణీయ దేవతల పేర్లతో,అణచివేతే ఆనందంగా గల సంస్స్కృతితో జీవించే వాళ్ళు మారుతున్న దాఖలాలు కూడా లేవు అంటాడు.అదే ప్రశ్న తిరగేసి మరి మీ కులంలో ఈ పేర్లు యెందుకు కనపడవు?మీ పేర్లు పెట్టుకోని ఇతర కులాల వాళ్ళంతా మీదృష్టిలో దురహంకారులా?అంటే మీ కులం గొప్పదని మీకు వుంది గాబట్టి మీ దేవుళ్ళ పేర్లు మాత్రమే పెట్టుకున్నా మీది కులపిచ్చి కాదు,యెదటి వాళ్ళు మాత్రం వాళ్ళ కులదేవుళ్ళకి బదులుగా మీ కులపు దేవుళ్ళ పేర్లు పెట్టుకుంటేనే మీకు మంచివాళ్ళుగా కనబడతారు,మాస్టారూ మేం మీ కులపు పేర్లు పెట్టుకోము,కానీ మీరు మాత్రం మా కులపు పేర్లు పెట్టుకోవాలి అంటున్న ఇక్కడ పెత్తనం చేస్తున్నది యెవరంటారు?

     ఈయనకి "సామాజిక శాస్తవేత్త" అనే బిరుదు నామం కూడా వుందండోయ్!తనలోనూ యెదటివాళ్లలోనూ వున్న ఒకే లక్షణం - స్వకులాభిమానం అనేది తనలో వుంటే గొప్ప అనీ యెదటి వాడిలో వుంటే చెత్త అనీ అనడం డబల్ మొరాలిటీ అవుతుందని వున్నత విద్యావంతుడూ సామాజిక శాస్త్రవేత్తా అయిన ఈ పెద్దమనిషికి యెట్లా తెలియలేదబ్బా?

   నేను "మీసాల సుహాసిని" అని ఎటకారంగా పిలుచుకునే రాధాకృష్ణ గారు ఈయనగారి తెలివితేటలకి మెచ్చుతునక అనబడే మరో విషయం చెప్పాడు?"చర్చ్ ఫాదర్ నా పుండును ఆప్యాయంగా కడిగి శుభ్రం చేస్తాడు. హిందూ మతానికి చెందిన స్వాములు నన్ను స్పృశిస్తారా?" - అని అఅడిగాడట!వినగానే ఈ ప్రశ్న ఢాం ఢమేల్ మనిపించేటంత ఇంటిలిజెంట్ అనిపిస్తుంది,కానీ వైద్య సదుపాయం ఇంతగా అభివృధ్ధి చెందిన ఈ రోజుల్లో కూడా పుండుని కడిగించుకోవటానికి డిస్పెన్సరీకి వెళ్ళి ఆయింట్మెంటు పూయించుకుని బ్యాండేజి వేయించుకుని ఆంటిబయాటిక్ ఇంజక్షన్లు చేయించుకోవటం తెలివైన పనా ఫాదర్ దగ్గిరకో స్వామీజీ దగ్గిరకో కెళ్ళి ఆయన మన  పుండు కడుగుతుంటే మనం ఆయన ముఖంలోకి చూసి పరవశించడం తెలివైన పనా?

      ఇంత మూర్ఖపు ఆలోచనల్ని కూడా గొప్పగా భ్రమింప జేసే ఈ పెద్దమనిషి యేదయినా అగ్రకులంలో పుట్టి వుంటే ఇప్పుడు తనే విమర్శిస్తున్న వాళ్ళని మించి దురహంకారాన్ని ప్రదర్శించే వాడేమో గదా!

------------------------------------------------------------------------------------------------------------------