అంతా తెలిసిపోయింబని అనుకునంటున్నప్పుడే అసలు నాకేమీ తెలియదని అపించడం ఎందుకో!

ఎందుకో?
అంతా తెలిసిపోయింబని అనుకునంటున్నప్పుడే
అసలు నాకేమీ తెలియదని అనిపించడం ఎందుకో!

ఎందుకో?
అందరూ డబ్బుకోసమే చేరారని తెలిసి కూడా
అందర్నీ ఆత్మబంధువులని మోసపోవడం ఎందుకో!

ఎందుకో?
డబ్బుతో కొనలేనివి ఉన్నాయని తెలిసి కూడా
డబ్బుతోనే అన్నింటినీ కొనడం కోసం వెంపర్లాట ఎందుకో!

ఎందుకో?
ద్వేషాన్ని విత్తితే ద్వేషమే కాస్తుందని తెలిసి కూడా
ద్వేషాలు పెంచుకుని మళ్ళీ మళ్ళీ నాశనమైపోవడం ఎందుకో!

ఎందుకో?
తమలోని అజ్ఞానాన్ని తొలగించుకోకుండా
తమ కష్టాలకి ఇతరుల్ని నిందించడం ఎందుకో!

ఎందుకో?
అసలు నాకేమీ తెలియదని తెలిశాక కూడా
అంతా నాకే తెలుసునన్న అహంకారం ఎందుకో!

ఎందుకో?
అంతా మిధ్య అని తెలిశాక కూడా
అన్నింటి మీద మోహం పెరగడం ఎందుకో!

ఎందుకో?
ఎందుకో!