వాళ్ళ పేర్లతో శకాలు ఉన్నయ్యంట,వాళ్ళు మాత్రం ఈ భూమ్మీద లేరంట!య్యో,యేందయా నీ చరిత్రా నువ్వూనూ?

     మీరు కాలము నెట్లు కొలిచెదరు?భూమి మీద ఒక రెండు ప్రామాణిక దూరమున గల బిందువులను తీసుకొని ఆ రెంటిని ఒక నిర్దేశిత వేగముతో చేరు కాలమును ఒక ప్రమాణముగ నిర్వచించెదరు,అవునా!మీరు దూరము నెట్లు కొలిచెదరు?పై నిర్వచనమును తిరగవేయుటయే జరుగును,యేల యన రెండు బిందువులు ఉన్నవి గనక ఒకే సమయమున రెండు బిందువుల యొద్దను మీరుండలేరు గనక - మొదటి బిందువు నుండి ఒక ప్రామాణిక వేగముతో ఒక ప్రామాణిక కాలములో చేరగలుగు రెండవ బిందువు వరకు గలది ప్రామాణిక దూరము!ఇట్లు ఒకదానితో నొకటి చిత్రమగు రీతిన యనుసంధానించబడిన ఈ కాలమునకు విశ్వమునకు గల సంబంధమును వ్యాఖ్యానించుచు ఐన్స్టీన్ మహాశయయుడు సాపేక్షతా సిధ్ధాంతమును  నిర్మించెను.

     భారతీయుల గవ్యూతి ఇట్టిదియే!భారతీయుల తృటియు నిట్టిదియే!పాశ్చాత్యుల కాలగణనమున నిన్న మొన్నటి వరకూ సెకండు,నిముషము,గంట,దినము,వారము,మాసము,ఋతువు,సంవత్సరము మాత్రమే యుండెడివి - సంవత్సరము లనగా కేవలము అంకెలు మాత్రమే!రశ్మ్యుద్గారకత,పరమాణు విచ్చిత్తి వంటి ప్రక్రియల తర్వాతనే వారు మైక్రోసెకండుల గురించి యాలోచించినారు,కానీ ప్రాచీన వైదికకాలముననే భారతీయుల కాలగణనము పరమాణువు నుండి మొదలై మహాయుగముల వరకు విస్తరించి యున్నది!పాశ్చాత్యుల కాలగణనములోని 26 మైక్రోసెకండులకు సమానమైనది పరమాణువు, రెండు పరమాణువు లొక అణువు, మూడు అణువు లొక త్రసరేణువు, మూడు త్రసరేణువు లొక తృటి, వంద తృటు లొక వేధ, మూడు వేధ లొక లవము, మూడు లవము లొక నిమేషము, మూడు నిమేషము లొక క్షణము, అయిదు క్షణము లొక కాష్ఠము, పదిహేను కాష్ఠము లొక లఘువు, పదిహేను లఘువు లొక దండ, రెండు దండలు కలిసి పాశ్చాత్యుల 48 నిముషములకు సమానమైన  ఒక ముహూర్తము, ముప్పది ముహూర్తము లొక అహోరాత్ర దినము, ముప్పది దినము లొక మాసము, రెండు మాసముల కొక ఋతువు, మూడు ఋతువు లొక ఆయనము, రెండు ఆయనములు కలిసి దేవతల యహోరాత్ర మయ్యెడు ఒక సంవత్సరము, దేవతల మాసమునకు ముప్పది దినములు, దేవతల సంవత్సరమునకు రెండు ఆయనములు మరియు పండ్రెండు మాసములు, 4,800 దివ్యవత్సరము ఒక సత్య యుగము, 3,600 దివ్యవత్సరము లొక త్రేతా యుగము, 2,400 దివ్యవత్సరము లొక ద్వాపర యుగము, 1,200 దివ్యవత్సరము లొక కలి యుగము, ఈ నాల్గు యుగములు కలిసి 4,320,000 మానవ సంవత్సరములకు సమమైనదియునూ సూర్య గ్రహము తన చుట్టు తాను తిరుగు 12000 భ్రమణములకు సమమైనట్టిదియు నైన కాలమొక మహాయుగము, 1000 మహాయుగము లొక కల్పము. 2 కల్పములు విధాత కొక యహోరాత్ర దినము, విధాత మాసమునకు ముప్పది దినములు, విధాత వత్సరమునకు 12 మాసములు అనగా 3.1104 ట్రిలియన్ల మానవ సంవత్సరములు, ఇట్టివి యేబది విధాత వత్సరములు గడిచిన ఒక పరార్ధము, రెండు పరార్ధములు కలిసి 311.04 ట్రిలియన్ల మానవ సంవత్సరముల కాలము మహా కల్పమను పేరున నిర్ధారించి విధాత పూర్ణాయుర్దాయముగ నిర్వచించబడినది, 306,720,000 సౌర సంవత్సరములకు సమమైన 71 మహా యుగములు కలిసి ఒక మన్వంతరము, ప్రతి మన్వంతరమున కొక మనువు శాసన కర్త, ప్రతి రెండు మన్వంతరములకు మధ్యన కృతయుగ కాల పరిమాణముతో నొక సంధికాలము(ఈ సంధి కాలమున భూమి యంతయు నీట మునిగియుండును) వచ్చును - యెంతటి సూక్ష్మ వివరములతో నిర్మించబడిన సవివరమైన కాలగణనము?!

     భారతీయుల సంవత్సరములు కేవలము అంకెలు గావు - వానికి నామధేయములు గలవు,ప్రతి సంవత్సరమున కొక యధిష్ఠాన దేవత గలదు,ప్రభవాది క్షయ పర్యంతము గల అరువది వత్సరములు గొలుసుకట్టు వలె నొకదానితో మరియొకటి యనుసంధానించబడి యున్నవి!ఈ యరువది సంవత్సరముల చక్రము నందొక విశేష మున్నది - శ్రధ్ధాళువై పరిశీలించిననే దెలియును!తొల్లిటి ఇరువది సంవత్సరముల పేర్లు క్రమముగ శుభస్కరమైన గుణము వృధ్ధిని బొందుట సూచించును.పెరుగుట విరుగుట కొరకే యనినట్లు పెరుగుదల ప్రకంపనలు లేని స్వచ్చ సరోవరమును బోలిన ఒకానొక సమతా స్థితిని నడుమన గల ఇరువది నామములు సూచించును.చివరి ఇరువది నామములును యా ప్రశాంతత భగ్నమయి క్రమముగ యశాంతి పెరుగుటను సూచించుచున్నవి.మానవ సమాజములును చారిత్రకముగ నిట్టి దశలను చూచుటను గుర్తించిన ఈ నామధేయములతో గూడిన చక్రమును నిర్వచించిన వారి మేధస్సునకు విస్మితులు గాక తప్పదు!ఈ ఇరువది సంవత్సరముల నిడివికి మరియొక విశేషమున్నది, భారతదేశమంతటిని ఏకబిగిన కలయదిరిగి హైందవధర్మతత్వనిరూపణము గావించి యెన్నియో సద్గురు పీఠములను నిర్మింప జేసి యందు జరుగవలసిన కార్యములను నిర్దేశించి భావి కాలము నందెన్నడును వాటి పరంపరకు భంగము రాకుండగ సకల విధములైన యేర్పాట్లను జేసినట్టి శ్రీ శంకర భగవత్పాదుల యాయుర్దాయము 32 వత్సరములు మాత్రమే గద!అందు తొలి బాల్యమునూ,ఈ బాల బ్రహ్మచారి శక్తి స్పష్టముగ దెలియుటకు పట్టిన కాలమునూ వదలి వేసిన నిక్కచ్చిగ దేలునట్టి కాలము ఇరువదేండ్లు గావచ్చును?!ఆంధ్రు లిప్పటికినీ యాదర్శప్రభువుగ స్మరించు యాంధ్రభోజుడను కీర్తి గడించిన శ్రీకృష్ణదేవరాయల పరిపాలనా కాలము సరిగా నిరువది యేండ్లు మాత్రమే!దీనిని బట్టి మానవుడు తన జన్మను సార్ధకము గావించుకొనుటకు వందల యేండ్లు బ్రదుకనక్కర లేదు ఇరువదేండ్లు చాలునని బోధఓడుచున్నది గదా!

     మా తాత ఎడ్ల బండి మీద తిరిగాడు కనుక నేను జెర్మనీకి కూడా ఎడ్ల బండి మీదే పోతాను అనుకోవడమే భారతీయ సంస్కృతి యని హిందువులను వెక్కిరించు గాడిదలకు ఆ జర్మనీ దేశములో నున్న 14 విశ్వ విద్యాలయముల యందు సంస్కృతమును బోధించుచున్నారని దెలియదు!ఈ తాయిగండ వెధవలు యే దేశములను జూచి యీ దేశము కన్న గొప్పవని లొట్టలు వేయుచుండిరో యా దేశములందు గల సత్యశోధకులు భారతీయ విజ్ఞానశాస్త్ర ప్రతిభకు నమోవాకము లర్పించుట యెరుగరు - దివిసూర్యసహస్రప్రభాభాసమానమైన దివ్యతేజస్సును నిరంతరము నంధాంధతమసాల నడుమన దిరుగాడు దివాంధములు చూడగల్గు టెట్లు?స్వతంత్రభారతప్రప్రధమప్రధాని హైందవధర్మద్వేషి యగుటంజేసి ఇక్కడి విశ్వవిద్యాలయముల యందిట్టి శుంఠలు వానరయూధముల వలె చెలరేగిపోయినారు - నేటికి వారికి చేటుకాలము దాపురించినది!హిందువులు వెనుకటి వలె లేరు.బాధ గురువుల వలె వీరు కక్కిన హైందవ ద్వేషము యొక్క నిజరూపము తేటతెల్లమై వీరి వలననే నేటికీ కాలమునకు హిందువులు జాగరూకులైనారు.యే దేశవాసులును తమ స్వదేశమునకు చేయని యపకారమును భారతదేశపు వామపక్షీయులు పనిబడి చేసినారు - ముఖ్యముగ చరిత్రను శతృభావము పూని వక్రీకరించినారు,యేమి యాశించి?ఈ దేశమునకు సంబంధించిన ప్రతి విషయమును చెత్తయే,ఈ దేశము నాక్రమించి యప్పుడిక్కడ నెలకొని యున్న శాంతిని ధ్వంసము చేసిన విదేశీయులు జగదేక వీరులు,ఈ దేశపు రాజులు - శివాజీ మహరాజ్ మొదలుకొని మహారాణా ప్రతాప్ వరకూ యెవ్వరైననూ క్రూరులే,బాబరు నుండి యౌరంగజేబు వరకు గల వారు మాత్రమే వీరికి ధర్మప్రభువులుగ కనిపించినారు,వీరు రాకుండినచో దేశమునకు చాల నష్టము జరిగెడిదను వరకు పోయినది వీరి పాండిత్యము - యేమి పైత్యకారి సిధ్ధాంతములు?ఇక్కడి యాచార వ్యవహారము లన్నియు ననాగరికములే,దీని నెల్ల బద్దలు కొట్టి విదేశీ భావజాలముతో నింపవలెనని బహిరంగముగ ప్రకటించిన ఒక వ్యభిచారి లౌకికత్వమున కగ్రగణ్యుడైన పండితుడట!ఆతని దోషములను వీరి యబధ్ధములను బయటపెట్టినచో లౌకికతత్వమునకు విరుధ్ధమట,ఇది యేమి చోద్యము!

     భారతీయ కాలమానము ప్రకారము ఈ విశ్వము ఒక కల్పము వెనుక ప్రభవించినది.నాటి పద్మకల్పము గడిచి నేటి శ్వేతవరాహకల్పమున నుంటిమి.ఇప్పటి విధాత యాయుర్దాయమున యేబది యేండ్లు పూర్తయి పరార్ధమున తొలి దినము నడుచుచున్నది.ఆరు మన్వంతరములు గడిచి యేడవది యైన వైవస్వత మన్వంతరము సాగుచున్నది.ఈ వైవస్వత మన్వంతరమున 28వ మహాయుగమునందలి కలియుగమున నుంటిమి.క్రీ.పూ 3102 కలిప్రారంభమని యెల్లర చేత నిర్ధారించబడినది!ఇవి యన్నియు పనిపాట్లు లేక ముక్కుమూసుకొని కారడవులందు యాశ్రమములు గట్టుకొని ఒంటరి పక్షుల వలె సంచరించు మునిమ్రుచ్చుల కాకిలెక్కలు గావు,నేటి యాధునిక వైజ్ఞానిక శాస్త్రపు లెక్కలతో సరిపోవు నిర్దుష్టమైన గణిత నియమము లనుటకు ఆధారము లున్నవి!విష్ణుపురాణమున గల వివరములతో లెక్కించిన ప్రస్తుతపు సృష్టి కాలము 4.32 బిలియను సంవత్సరములు ఆధునిక వైజ్ఞానిక శాస్త్రము ఇటీవల నిర్ధారించిన 4.5 బిలియను సంవత్సరముల భూమి వయస్సునకు చాల దగ్గరగా నున్నది.తొల్లి యారు మన్వంతరములు సంధి కాలముతో గలిసి (6 X 71 X 4320000 ) + 7 X 1.728 X 106 = 1.852 బిలియను సంవత్సరములు గడిచినవి.ప్రస్తుత మన్వంతరమున గడిచిన 27 మహాయుగముల కాలము 116.640000 మిలియను సంవత్సరములు.ఇప్పటి మహాయుగమున 1.728 X 106 + 1.296 X 106 + 864000 = 3.888 మిలియను సంవత్సరములు గడిచినవి.కలి ప్రారంభమై 3102 + 2015 = 5117 సంవత్సరములు గడిచినవి. అన్నింటిని కలిపిన మొత్తము 155.52 X 1012 + 1.973X109 + 0.00012053302 = 155,521,972,949,113 సంవత్సరములు - 155 ట్రిలియన్ సంవత్సరములు.మహా విస్ఫోటము నుండి పాశ్చాత్యులు లెక్కించిన విశ్వము యొక్క యాయుర్దాయము - 13.7 బిలియన్లు మాత్రమే!కానీ వారి గణనము నందు ఒక వైరుధ్యమున్నది!విస్ఫోటము సంభవించవలెనన్న అంతకు ముందర విస్ఫోటనము జెందు గుణముండి వ్యాపించు స్వభావము గల పదార్ధ ముండవలయును గదా యను యోచన వారు చేయలేదు.ఆ విలువ వారు సాధించిన మొట్టమొదటి విలువ కాదు,దఫదఫాలుగ మారుచు వచ్చినది - భావి కాలమున నూత్న యావిష్కారముల పిదప తరువాతి విలువ మరికొంచె మటునిటు జరిగి జరిగి మనవారి స్థిరాంకమునకు మరింత దగ్గర కావచ్చును!భూమి యొక్క గోళాకారమును నిరూపించదలచిన వాని కత్యంత క్రూరమైన మరణశిక్ష వేయుటకు చాల ముందరనే ఇచ్చటి ఖగోళ శాస్త్రజ్ఞు లందరు ముక్తకంఠమున యొప్పుకొనిరి.మార్కండేయ పురాణము(54.12) నందు భూమి ఒక యంచున కొంచెము నొక్కబడి యున్నదని వర్ణించబడి యున్నది!

Hinduism is the only religion in which the time scales correspond, to those of modern scientific cosmology. The Hindu literature is work of a Genius. 
(Dr. Steinn Sigurdsson, Pennsylvania State University)

It looks like that the writers of Vedas and Puran came from the future to deliver knowledge. The works of the Ancient Arya Sages is mind blowing. There is no doubt that Purans and Vedas are word of God.
(Scott Sandford , Space Scientist, NASA)

How could Hindus (Aryas) have possibly known all this 6,000 years ago, when scientists have only recently discovered this using advanced equipment which did not exist at that time? Such concepts were found only recently.
(Dr. Kevin Hurley of the University of California at Berkeley)

     ఈ దేశపు ప్రాచీనుల శాస్త్రవిజ్ఞాన ప్రతిభకు ఇంకను సాక్ష్యము లడిగిన వానిని ఈ దేశము నుండి బహిష్కరించి తనకు నచ్చిన దేశమునకు బోవుటకు తగిన యేర్పాట్లను జేసి యత్యంత మర్యాద పూర్వకముగ సాగనంపుట మంచిది!"INCEPTION" అను యాంగ్ల చలనచిత్రము మీకు సుబోధకముగ దెలియవలెనన్న భారతీయ విశ్వసృష్టివాదము తెలియవలె, యేలనన యందలి కధ యంతయు ఒక కల,ఆ కల యందు మరొక కల యను విధమున చిక్కురొక్కురుగ నమర్చబడి యుండును.అది యంతయు బ్రహ్మసత్యం జగన్మిధ్య యను దానికి బింబరూపము!"MATRIX" యను మరొక యాంగ్ల చలనచిత్రము నందలి పాత్రధారులు పలికెడి పలుకు లన్నియు భారతీయ కర్మ సిధ్ధాంతమునునకు ప్రతిధ్వనుల వలె వినంబడును!ఈ దేశపు సంస్కృతీ వైభవమును విదేశీయులు పారవశ్యముతో కీర్తించుచుండగా స్వదెశీయు లీ దేశపు సంస్కృతీ వైభవము నెఱుంగని యజ్ఞానముతో ఈ దేశమున నేమి గలదని ధిక్కరించుచున్నారు - మరి యే దేశము నందైనను ఇట్టి సంస్కృతి పొడమిన వారింక కన్ను మిన్ను గానక తమను తాము బొగడుకొనుచు మిన్ను మన్ను యేకము జేయుచు నుండెడి వారు!గురుత్వాకర్షణ సిధ్ధాంత ప్రచారకుడైన ఐజాక్ న్యూటన్ మహాశయునికి 64 శతాబ్దములకు ముందరనే ఋగ్వేద సంహిత ఈ దృశ్యమాన ప్రపంచము నందలి ప్రతి వస్తువు మరియొక వస్తువుతో  యాకర్షించబడుట యను దృగ్విషయమును స్పష్టముగ నిర్వచించినది!నేడది తెలియవలసిన వారికెల్ల దెలిసినను గుర్తింపు కొరకు పట్టుబట్టున దెవరు?ఇంటిదొంగను ఈశ్వరుడైన పట్టలేడు గద,గడచిన చరిత్ర యందలి వాస్తవములనే మఱుగు పరచి యబధ్ధములను ప్రచారము చేసిన దుష్కర్ములు, శకకర్తల యునికినే కనుగొనలేని యసమర్ధులు ఈ దేశపు కీర్తి ప్రతిష్ఠల కొరకు పోరాడుట సాధ్యమా!

    ఆంగ్లేయులును వామపక్షీయులును ఈ దేశపు చరిత్రను కలగాపులగము చేసి యెట్లు విప్పుటయో తెలియని కొన్ని పీటముడులను వేసి మనపై వదలినారు.ప్రాచీన కాలము నందలి భారతదేశపు మేధావు లందరును తమ తమ గ్రంధములలో కాలనిర్ణయమునకు శాలివాహన శకమును ప్రమాణముగ స్వీకరించినారు.ఈ శకము క్రీ.శ 79 మార్చి 22న చైత్ర మాసారంభమున ప్రారంభించబడినది.ఈ చైత్ర మాసపు తొలి దినము దైవ అహోరాత్రమను యుగమునకు ఆది గనుక యుగాది పేరున చాల విశిష్టత నాపాదించినారు.కాని నేటి యువత జనవరి ఫస్టున జూపెడి యుత్సాహమున సగమేని యుగాది నాడు చూపుట లేదు - యెటు జూచిన నటు పరాధీనత యను దౌర్భాగ్యము గన్పట్టుచున్నది - ధిక్!అట్లు గౌతమీపుత్ర శాతకర్ణిచే ప్రారంభించబడిన నాటి నుండి 1879 సంవత్సరములు గడిచిన పిదప 1957 మార్చి 22 నుండి భారత ప్రభుత్వము ఈ శాలివాహన శకమును అధికారిక కాలమానముగ స్వీకరించినది.అనగా ఇప్పుడు వ్యవహారములో నున్న గ్రిగేరియన్ క్యాలేందరు లోని సంవత్సరము నుండి 79 తీసివేసిన శక సంవత్సరము వచ్చును.ఒక గ్రిగేరియన్ తేదీకి సమానమైన శాలివాహన సంవత్సరపు దినమును లెక్కించుటకు చాల తతంగము లున్నవి!ఒక యుత్సాహవంతుదు దానిని సాధించి ఇచ్చట నిలిపినాడు.దాని ప్రకారము నేటి గ్రిగేరియన్ తేదీ "2015, October 04, Sunday" నకు సమానమైన శాలివాహన సంవత్సరము లోని తేదీ "1937, ఆశ్వీజము 12, రవివారము" యగును.

     ఈ శాలివాహనులనే శాతవాహనులని కూడ వ్యవహరించెదరు.తొలుత నాగజాతికి చెంది యాంధ్ర దేశమున ప్రాబల్యము వహించి యుండవచ్చును.ఈ నాగ మరియూ నాంధ్ర పదములు ప్రాచీన సాహిత్యమందు కొన్ని చోట్ల సమానార్ధకముగ వాడుటయును గలదు.విశ్వామిత్రుని చేత "ఏతమేవా ఆంధ్రేన పుళిందేన చాపి" యని శపించబడిన యట్లు వీరి నుదహరించి ప్రస్తావించబడి యుండుట వలన వీరు బహుశా యాటవిక జాతియై యుండవచ్చును!చరిత్రకారులును దీనిని ధృవీకరించుచున్నారు.ఈ జాతి యందలి శాలివాహనుని తల్లికి ఒక సాధువు నీ కుమారుడు రాజ్యస్థాపన చెయునని జోస్యము చెప్పినాడనియూ నా తల్లి కొడుకునకు జెప్పగా నాతడు క్రమముగ నాటవికత్వమునకు దూరమై తన నాయకత్వపు లక్షణములతో రాజ్యస్థాపన చేసి శాలివాహన వంశ మూలపురుషుడైనాడని ఒక ఐతిహ్యము, ఒక రాజునకు పులి మీద స్వారీ చేయు బాలుని గురించిన స్వప్న వృత్తాంతము దీనినే సూచ్యార్ధముగ చెప్పుచున్నది కాబోలు!మౌర్యులు వీరిని ఢీకొని సామంతులనుగ జేసుకొని రనుటకు తగిన యాధారములు లేకపోవుట వలన వీరలే ఇచ్చా పూర్వకముగ మౌర్యులకు సామంతులై విదేయత జూపినందుననే వీరికి గల యాంధ్రభృత్యు లను విశేషణము తిరస్కార పూరితము వలె గాక పురస్కారము వలె నుదహరించబడి యుండవచ్చును!

     సుమారు క్రీ.పూ 230 ప్రాంతములలో మౌర్యసామ్రాజ్య పతనము వలన గత్యంతరము లేక శ్రీముఖ శాతకర్ణి స్వతంత్రించి "యేకరాట్" బిరుదాంకితునిగ యాంధ్ర శాతవాహన రాజ్యస్థాపన జేసినాడు.క్రీ.శ 78 నుండి క్రీ.శ 102 మధ్య కాలమునకు జెందిన శాతవాహన ప్రభువైన గౌతమీపుత్ర శాతకర్ణియే శాలివాహన శక ప్రారంభకుడు!తన తాత తండ్రుల కాలమున పరాధీనమైన భూభాగములను విడిపించుకొను రాజ్యవిస్తరణ క్రమమున శక పల్లవ క్షహరాటులు మొదలగు ననేక రాజ్యములను జయించి   మరుసటి చైత్ర మాసము నుండి శాలివాహన శకమును ప్రకటించినాడు,ఇంతవరకు నంతయు సుబోధకముగనే యున్నది గద!కాని మన చరిత్రకారులు దీని కొక యదనపు వివరమును గలిపినారు - శాలివాహన యను పదమునకు గానీ వారి వంశమునకు గానీ యే సంబంధమునూ లేని కనిష్కుని కీ శాలివాహన శకముతో సంబంధమును కలిపినారు - ఈతని కాల నిర్ణయము నిజముగ మైరావణ చరిత్రయే!చరిత్రకారులు క్రీ.శ 1913 నుండి క్రీ.శ 1960 సంవత్సరముల నడుమ నెన్నియో శిఖరాగ్ర సదస్సుల నేర్పరచుకొని యన్నిసార్లు కూలంకషముగ చర్చలు జరిపినను సర్వజనామోద యోగ్యమగు కాలమును నిర్ణయించలేకపోయినారు.క్రీ.పూ 57,క్రీ.శ 78,,క్రీ.శ 115,,క్రీ.శ 128,,క్రీ.శ 134,,క్రీ.శ 144,,క్రీ.శ 230 మరియు నితరములలో నేదైనను గావచ్చునట?ఒక మానవుని కిన్ని జన్మదినములా!చివరిగా 2001లో Harry Falk యను నతడు యవన జాతకము నందుగల ఒక ప్రస్తావనను బట్టి కనిష్కుని రాజ్యపాలన మొదలైనది క్రీ.శ 127 గా నిర్ధారించినాడు.ప్రస్తుతము జరుగుచున్న వ్యవహారము అన్ని తేదీలను ఒక పట్టిక యందు వేసి ఆయా తేదీలకు సరికొత్త యాధారములు దొరకినప్పుడల్లాను ఆయా గడు లందు మార్కులను వేయుట - దీని కన్నాను బహిరంగ వేలము ప్రశస్తము గద!ఇంకను విచిత్రము ఈతని పేరున గాక కుషాను శకమను మరి యొక శకము గలదు - దాని తొలి సంవత్సరము క్రీ.శ 227.కనిష్కు డొక్కదే శాలివాహన శకమునూ కుషాను శకమునూ స్థాపించుట యెట్లు సాధ్యము?

     ఈ శాతవాహనుల ప్రాభవము నందొక యపూర్వమగు రహస్యము గర్భితమై యున్నది!తొలుత వీరతి సామాన్య స్థితి నుండి రాజ్యస్థాపన చేసి క్షత్రియ వర్ణమున కెగబ్రాకినారు!కొందరు చరిత్రకారులు తొలిదశలో సాధ్వహణు లను పేరున వైశ్య వర్ణము వారని కూడ వాదించుచండిరి!శ్రీముఖ శాతకర్ణికి యేక బ్రాహ్మణు డను విశేషణము గలదు - శాతవాహన చక్రవర్తులు బ్రాహ్మణులని చరిత్రకారు లందరు నంగీకరించినారు!ఆది యందు బ్రాహ్మణులు కానివారు బ్రాహ్మణు లగుట యెప్పుడు జరిగినది?చాతుర్వర్ణము యేకశిలాసదృశమే యైనచో ఇదెట్లు సంభవించును?అగస్త్యుని కుంభసంభవుడని యందురు, యే మానవుడైన కుంభము నందు పుట్టునా!బహుశ కుంభకారుల యందు పుట్టియు జ్ఞానాధిక్యముచే నందరను మెప్పించి యట్లు బ్రాహ్మణులు సైతము నమస్కరించు స్థానమున కెదిగి యుండవచ్చును!ప్రతి భావమును సౌందర్య భరితము చేసి యలంకారికముగ జెప్పుట భారతీయుల జీవలక్షణము - పై విలువను సూచించుటకు ఛందస్సు నుపయోగించి శ్రీకృష్ణుని కీర్తించుట దేనికి?వేదవ్యాస విరచితమైన జయేతిహాసము నందును ఒక కుంభసంభవుడు గలడు - ద్రోణాచార్యుడు!స్వయముగ తానే యబ్రాహ్మణత్వము నుండి బ్రాహ్మణత్వమున కెదిగిన ద్రోణుడు నిష్కారణముగ యేకలవ్యునిపై నేల కులాధిక్యతను ప్రదర్శించును?ఐనను, పనిపడి యొకడు శిఖరము గోరి నాకు సత్వము గలదు,నేను దీనిని సాధించగలనను గొప్ప యాత్మవిశ్వాసము గలిగియుండి ఠవఠవలతో చెలరేగునప్పుడు యే చాతుర్వర్ణము,యే కులభేదము,యే బ్రాహ్మణ్యము వాని నాపగల్గును?శాతవాహను లది సాధించినారు, అది యొక్కటియే గాక సనాతన ధర్మమునూ ద్రవిడ సంప్రదాయమునూ కలగలిపి మొత్తము భారతదేశపు సంస్కృతి యందు యేకత్వమును సాధించినారు!

     ఈ శాలివాహన శకమునకు ముందు విక్రమ శకమును బట్టి కాలనిర్ణయము చేసెడి వారు.గౌతమీపుత్ర శాతకర్ణి తన విజయ యాత్రలలో గెలిచిన వారిలో ఉజ్జయిని ప్రభువైన విక్రమార్కుడు ఈ విక్రమ శక స్థాపకుడు!ఈ శకము క్రీ.పూ 57 నుండి సాగుచున్నది.యజ్ఞ శ్రీ శాతకర్ణి ఉజ్జయిని పై గెలుపు సాధించు వరకు గల కాలము నందు రచించబడిన గ్రంధములలో నిదియే యుదహరించబడినది.ఇప్పటి నేపాళ దేశమున నిది యధికారిక కాలమానము.కాని మన చరిత్రకారులకు ఉజ్జయిని నేలిన విక్రమార్కుని జాడ కనిపించ లేదు,ఇది యేమి చిత్రము?అనామకు డెవ్వడునూ శక స్థాపకుడు కాలేడు గదా!శక స్థాపకుడు వాస్తవ ప్రపంచమున లేడనుట యెట్లు పొసగును?ఆతడు దొరకకపోవుట చేత ఈ శకమునకు కర్తగా గుప్త వంశపు చంద్రగుప్త విక్రమాదిత్యుని దెచ్చి నిలిపినారు - ఈతని కాలము క్రీ.శ 375 నుండి క్రీ.శ 415 వరకు గలదు,యే ప్రభువైన తన ప్రాభవమును బట్టి శకమును స్థాపించగోరు వాడు అన్ని సంవత్సరములు వెనుక నుండి ప్రారంభించుట యెట్లు హేతుబధ్ధమైనది?ఈ శకము తొలుత కృతశకమనియు తదుపరి మాల్వేశశకమనియు పిలువంబడి క్రీ.పూ 57 నుండి విక్రమార్కుని ప్రాభవమును బట్టి విక్రమశకమనియు నుదహరించబడుచున్నది.మహాకవి కాళిదాసు తన జ్యోతిర్విద్యాభరణ మను కావ్యమును రచించి యందలి ప్రధమాధ్యాయము నందు కలియుగము ప్రారంభమై 3,045 సంవత్సరములు గడచిన పిదప విక్రమ శకము ప్రారంభమైనదని ప్రస్తావించినాడు.కలియుగ ప్రారంభము క్రీ.పూ 3102 యని ఖచ్చితముగ దెలిసినది గనుక దానిని బట్టి లెక్కించిన క్రీ.శ 57 నుండి విక్రమ శకము మొదలైనదని నిర్ధారింపవచ్చును.మరియు దుర్మార్గ యేమన విక్రమార్కుడు వాస్తవ ప్రపంచమున లేడని చెప్పుటయే గాక ఈ కాళిదాస మహాకవిని గూడా గుప్త వంశపు చంద్రగుప్త విక్రమాదిత్యుని కాలమునకు జరిపినారు కాని యదే జ్యోతిర్విద్యాభరణ కావ్యములో గ్రంధ రచన కాలమును కలి ప్రారంభమైన పిదప 5,067 యని చెప్పుకొని యున్నాడు!ఈ సంవత్సరము విక్రమ శకారంభము తదుపరి వచ్చు క్రీ,పూ 35తో సరిపోవుచున్నది - విక్రమార్కుని యునికికి సాక్ష్యములను గనిపెట్టుట మాని ఈ యెగలాగుడు దిగలాగుడు వ్యవహారముల కేల తెగబడినారో తెలియదు!

     అందులకే పెద్దలు "నాయనా, పరిధిని దాటిన జ్ఞానము శిరోభార హేతువు,కనిపించిన ప్రతిదాని పైన ప్రశ్నలను సంధించకురా!" యని పదే పదే హెచ్చరించినారు - నేను విందునా?నేనైనను దారిన బోవు చెత్త నంతయు నెత్తి తెచ్చుకొని తలపై పోసుకొనుటకు మూర్ఖుడను గాను - ఈ మధ్యనే యెంతకాలమీ క్రీస్తు శకమును బట్టుకొని వేలాడుట, మనదైన శాలివాహన శకముండగ నీ పరదేశపు కాలమానమున కేల ప్రాధాన్య మిచ్చుట యను రంధి పుట్టినది!గ్రిగేరియన్ సంవత్సరము నుండి 79 వెనుకకు జరిపిన కేవలము సంవత్సరమే వచ్చును,కానీ ఒక గ్రిగేరియన్ తేదీకి సమానమైన శాలివాహన సంవత్సరపు దినమును లెక్కించుటకు చాల తతంగము లున్నవి!మరి తేలికైన పధ్ధతిలో ఒక గ్రిగేరియన్ క్యాలెండరు తేదీ నుండి శాలివాహన శకపు తేదీని రప్పించుటకు మార్పిడి సౌకర్యము గలదా యని వెదుకగా వలసినది దొరికినది!నాకన్న ముందరనే ఒక బుధ్ధిమంతుని కీ యూహ పొడముటయు మార్పిడి సౌకర్యమును సాధించుటయు గూడ జరిగిపోయినది!అసలు లక్ష్యము నెరవేరినది గాని శకపురుషుల పట్ల మన చరిత్రకారులు జూపిన నిర్లక్ష్యము దుర్భరముగ నున్నది.నాకు దగుల్కొనిన ఈ ధర్మసందేహములు మాత్రము ఇంతలో దీరునవి గావు!క్రీస్తు శకముతో సర్దుకుపోవచ్చును గద, తేదీలను వ్రాయుట యందు నీకింత పట్టుదల యేల యని మీరడుగవచ్చును - కృత,త్రేత,ద్వాపర,కలి యుగములకు 4:3:2:1 నిష్పత్తిలో కాలపరిమాణము నేల నిర్ధారించిరో తెలియునా!కృత యుగము నందు మానవుని యాయుర్దాయము 400 సంవత్సరములు,త్రేతా యుగము నందు మానవుని యాయుర్దాయము 300 సంవత్సరములు,ద్వాపర యుగము నందు మానవుని యాయుర్దాయము 200 సంవత్సరములు,కలి యుగము నందు మానవుని యాయుర్దాయము 100 సంవత్సరములు - కాని ఇప్పటికే యేబది వచ్చునాటికి చత్వారము నుండి హృద్రోగము వరకు నానా విధముల యనారోగ్యములు దాడి చేసి దాని నింకను కుదించుచున్నవి!ఈ కొంచెము కాలమైనను ఇట్టి గొప్ప దేశమున బుట్టితిమి గదా యని భావించుకొన్నచో మానస మానంద భరిత మగును గద!

     యే కాలము నందైనను ఒక సత్పురుషుడో ఒక దుర్జనుడో ప్రభావశీలియై తాను ప్రభవించిన సమాజము నంతటిని తన వెంట నడిపించుకొని యసదృశుడుగ చెలరేగిపోవుట చూడవచ్చును.సజ్జనుడు ప్రభావశీలియైన సమాజము వృధ్ధిని బొందును,దుర్జనుడు ప్రభావశీలియైన సమాజము నానాటికి దిగజారుచు పూర్తిగ క్షయించి పోవును!నూతనముగ ప్రభాశీలి యగుచున్నవాడు సజ్జనుడా దుర్జనుడా యని మొదటనే గుర్తు పట్టగలిగిన యెడల దుర్జనుని బారిన పడు దుస్థితిని తప్పించుకొనవచ్చును గద!వెనుకటి తరముల యందలి సజ్జనులను కీర్తించుకొనుచు వారి పరంపర భగ్నము గాకుండగ జూచుకొనుట, దుర్జనులు ప్రభావశీలురగుటకు హేతువుల నెరిగి యట్టివారు మరల పెరుగకుండగ జాగ్రత్తలు దీసుకొనుటయు చరిత్ర పఠనమునకు ప్రధమ లక్ష్యము గావలెను,అట్టి యెడ చరిత్రను సత్యదూరములగు విషయములతో భష్టుపట్టించుట పరమ నీచకార్యము?!ఇప్పుడిప్పుడు ప్రజలయందు స్వధర్మము పట్ల యాసక్తి మొదలైనది.ఇప్పుడిప్పుడు ప్రజలయందు స్వదేశము పట్ల యనురక్తి పెరుగుచున్నది.ఇప్పుడిప్పుడు ప్రజలయందు సత్యశోధన పట్ల నిబధ్ధత యున్నట్లు కనబడుచున్నది.

హైందవ ధార్మిక క్షాత్రమను కృధ్ధసింహము జూలు విదల్చి గర్జించుచున్నది!