చంద్రుడు బుధుడి ఇంట్లో ఉండటం,గురువు పైకి చూడటం,శని వంకర చూపు చూడటం - అంతా ట్రాష్, గోగినేని బాబు ఈజ్ ఆల్వేస్ రైట్!

గోగినేని బాబు గొప్ప మేధావి!మూఢనమ్మకాలకి వ్యతిరేకంగా పోరాడుతున్న గొప్ప మానవవాది!అప్పట్లో ఒక చిన్నపిల్లని సొంత తల్లే దేవతని చేసి ఒక ఆశ్రమం పెట్టి వ్యాపారం చెయ్యాలనుకున్నప్పుడు అప్రస్తుతవీరవరేణ్యుడిలా పోరాడి ఆ పిల్లని ఆధ్యాత్మిక వ్యాపారానికి బలి కాకుండా కాపాడిన మంచి మనిషి!అయితే,అప్పట్లో నేనూ మీడియాలో జరుగుతున్న హడావిడిని చూశాను గానీ అప్పుడు ఇతని గురించి మాత్రం ఎక్కువ తెలియలేదు - ఇప్పుడు చూస్తే తెలుగు చానల్స్ అన్నింటిలోనూ కనబడుతున్నాడు - పుష్కరాల గురించీ గ్రహణాల గురించీ జ్యోతిషం గురించీ ఎదటివాళ్లని జవాబు చెప్పలేని చిక్కు ప్రశ్నలతోనూ తప్పులు పట్టలేని విశ్లేషణలతోనూ అదరగొడుతున్నాడు!

తనకి అహంభావం చాలా ఎక్కువ, దాచుకోను కూడా దాచుకోవడం లేదు.ఏ విషయం గురించయినా ఫుల్ క్లారిటీ ఉండి ఎదురుగా ఎవరున్నా సరే వాదనలో నేనే గెలుస్తాను అన్న ధీమా ఉన్నవాడికి ఆత్మవిశ్వాసం ఉంటుంది, నిజమే!ఎదటివాళ్ళు తాము సపొర్ట్ చెయ్యదలుచుకుంటున్న అంశం మీద ఇతను తన వాదనని సమర్ధించుకోవడానికి చేసినంత రీసెర్చి చెయ్యకుండా వచ్చి ఇతని జిత్తులమారి తనానికి బలి కావడం వల్ల పదే పదే గెలవడం అలవాటైపోయినప్పుడు ఆత్మవిశ్వాసం ఆత్మస్తుతి కింద మారడం కూడా సహజమే - అందుకు నేను కూడా మినహాయింపు కాదు.

కానీ నేను సత్యానికి కటుబడి వాదిస్తున్నాననె ధీమాతో నన్ను నేను పొగుడుకుంటే అతను తన పాప్యులారిటీని చూపించి పొగుడుకుంటున్నాడు - "నాది ఇంటర్నేషనల్ లెవెల్!మీది గల్లీ లెవెల్!" అనీ "పోపుని అరెస్ట్ చెయ్యాలని వాళ్ళ కాంగ్రెగేషను దగ్గిరే డిమాండు చేశాను" అనీ "సౌదీ అరేబియా రాజుని నీకిక్కడేం పని అని గద్దించాను!"అని చెప్పుకోవడమే తప్ప ఆ విజృంభణ వల్ల అతను సాధించింది ఏమిటి?పోప్ అరెస్టయ్యాడా?సౌదీ అరేబియా రాజు హోదా ఏమైనా తగ్గిందా?ఏమీ జరగ లేదు!

నాకు మీడియా ఎక్స్పోజరు అక్కర్లేదు అంటున్నప్పుడు ఇంత ఎక్కువ ఎక్స్పోజరు ఎలా వస్తున్నది?జ్యోతిషం శాస్త్రీయమా కాదా అని తేల్చుకోవడానికి సుప్రీం కోర్టులో కేసు వేసినది శ్రీనివాస గార్గేయ కాదని చెప్పి కేసు వేసిన వ్యక్తి వివరాలు చెప్పడం అద్భుతమే కావచ్చు!శ్రీనివాస గార్గేయ ఆ కేసు తనే వేసినట్టు చెప్పుకుంటే అవతలి వ్యక్తి చెప్పిన అబద్ధాన్ని యెత్తి చూపించడం కూడా కరెక్టే,నైతిక విలువలు లేని వ్యాపారం చెయ్యడాన్ని ఖండించితే మెచ్చుకోవాల్సిందే.కానీ ఇతరులకి  తెలిసే అవకాశం లేదని నిర్లక్ష్యం చేశాడో,తనకి తెలిసిందే నిజం అన్న అహంకారం వల్ల ఎక్కువ తెలుసుకోకుండా వదిలేశాడో గానీ కొన్ని ముఖ్యమైన విషయాల్లో తను కూడా అబద్ధాలు చెప్తున్నాడు!

అతని వాదనాశైలిలోనూ కొన్ని స్ఖాలిత్యాలు ఉన్నాయి - ఆ వాదనల్ని మైండులో ప్రిపేర్ చెసుకుంటున్నప్పుడు "this logic will definitely bunk my opponents!They are not so brilliant like me - this is enough.I am great!" అని చెప్పేసుకుంటున్నాడు గాబట్టి అతనికి తెలియడం లేదు కాబోలు!ప్రస్తుతం అతని ముందు కూర్చుని వాదిస్తున్నవాళ్ళకి వాటిని పట్టుకోగలిగిన పాండిత్యం లేదు.శబ్దాన్ని చూపించండి,కాంతిని రుచి చూపించండి అని నిలదీసి ఏ శక్తి అయినా దాన్ని రిసీవ్ చేసుకోగలిగిన సెన్సరీ ఎలిమెంట్స్ ద్వారానే తెలుసుకోగలం అని సూత్రీకరణలు కూడా తనే చెప్పి ఇతర్ల అజ్ఞానాన్ని పోగొట్టి ఘనకార్యం చేస్తున్నట్టు మురిసిపోతున్న ఇతను దేవుడి విషయంలో కూడా అదే వర్తిస్తుందని ఎందుకు తెలుసుకోలేకపోతున్నాడు?కాంతిని వినలేనట్టే శబ్దాన్ని చూడలేనట్టే దేవుణ్ణి కూడా మొండి బండ కుతర్కాలతో తెలుసుకోలేము కదా!కాంతిని గ్రహించటానికి కన్ను ఉన్నట్టే శబ్దాన్ని గ్రహించటానికి చెవి ఉన్నట్టే దైవం గురించి తెలుసుకోవటానికి బుద్ది ఉంది.దాన్న్ని ఉపయోగించాల్సిన పద్ధతిలో ఉపయోగిస్తే దేవుణ్ణి చూడవచ్చు - నేను చూస్తున్నాను కదా!నాకు దొండకాయ కూర అంటే చాలా అసహ్యం!"దేవుడా!జీవితంలో ఒక్కసారి కూడా దొండకాయ కూర తినకుండా చూడు!" అని దేవుడికి దణ్ణం కూడా పెట్టుకున్నాను,ఏం లాబ్ఘం?మా బంగారానికి దొండకాయ వేపుడు చాలా ఇష్టం, చేస్తుంది, తింటూన్నాను - నాలాగా ఎందరో!అదృష్టం బాగుండి భార్యకి కూడా దొండకాయ ద్వేషం ఉంటే వాళ్ళు దొండకాయని తప్పించుకోగలుగుతారు గోగినేని బాబు దేవుడితో సంబంధం లేకుండా బతికినట్టు - అలా అందరికీ కుదిరి చావదే,నేను నా దురదృష్టం ఇంతే అని సరిపెట్టుకుంటున్నానే గానీ దేవుడు ఉన్నాదని నమ్మేవాళ్ళంతా అజ్ఞానులే అంటున్న గోగినేని బాబు లాగ దొండకాయ తినేవాళ్ళంతా దుష్ట దుర్వార నీచ నికృష్ట కబంధులు అని హుంకరించటం లేదే!నేను చెప్పిన జవాబుకి అతడు వాడుతున్న లాజిక్కునే వాడాను - జస్ట్ కామన్ సెన్సుని మాత్రమే వాడాను!

సనాతన ధార్మిక సాహిత్యం అత్యంత విస్తారమైనది.మానవ జాతి ఆవిర్భావం ఎప్పుడు జరిగింది అనెది ఇప్పటికీ రూఢి కాలేదు.క్రీ.శ 2003లో చెప్పిన తొలి మానవ జాతి ఆవిర్భావం రెండులక్షల సంవత్సరాల క్రితం ఆఫ్రికాలో జరిగిందనీ మూడుసార్లు ఫెయిలయ్యి ఆలుగోసారి 80,000 సంవత్సరాల క్రితం ఒక గుంపు భారతదేశం చేరిందనీ ఇక్కడి నుంచే మానవులు అన్ని ఖండాలకీ వెళ్ళడం వల్ల సకల నాగరికతలకీ భరతఖండమే పుట్తినిల్లు అనే నిర్ధారణ కూడా పూర్తి యదార్ధం కాదు.ఎందుకంటే,కంభంపాటి అస్త్యనారాయణ లాంటివారు రాసిన ఆంధ్రుల చరిత్ర గురించిన పుస్తకాల్లో పెద రావూరు,చిన రావూరు లాంటి తెలుగు ప్రాంతాల్లో అయిదు లక్షల సంవత్సరాల క్రితమే మానవ నివాసాలు ఉన్నట్టు శిలాజాల ద్వారానూ అక్కద దొరికిన పనిముట్లని విశ్లేషించడం ద్వారానూ నిర్ధారించి చెప్పారు.ఇంకా వెనక్కి వెళ్తే ఉత్తర దేశంలోని భీం బైట్కా గుహాల్లో ఏడు లక్షల సంవత్సరాల క్రితం మనుషులు గీసిన బొమ్మలు కనిపిస్తునాయి - ఇవన్నీ ఆధునిక విజ్ఞాన శాస్త్రవేత్తల పరిశోధనా ఫలితాలే!

సనాతన ధార్మిక స్సహిత్యంలోని కొన్ని వర్ణనలూ సంఘటనలూ కధాంశాలూ భ్హూమి మీద ఇపుడు విడి ఖండాలుగా కనబడుతున్న ఒకప్పటి ఏకఖండం గురించి ఆధునికులు చెబుతున్న pan geo,Gondwana లాంటి విషయాలు వారికీ తెలుసునని నిరూపిస్తున్నాయి.వాస్తవానికి అవి కొన్ని మిలియన్ల సంవత్సరాల క్రితపు సంగతులు - అప్పటికి మానవావిర్భావం జరగలేదని ఆధునిక శాస్త్రవిజ్ఞానం చెబుతున్నది.కేవలం రెండు వందల యేళ్ళ్ళ క్రితం నుంచే తప్పటడుగుల దశని దాటి కుదురైన నడకను నేర్చుకుంటున్న ఆధునిక  పాశ్చాత్య విజ్ఞానశాస్త్రం ఇచ్చిన మిడి మిడి జ్ఞానంతో కొన్ని లక్షల సంవత్సరాల క్రితమే "అధాతో విశ్వ జిజ్ఞాసా అధాతో బ్రహ్మ జిజ్ఞాసా"" ఆనె సంకల్పం చెప్పుకుని "కేనేషితం ప్రతతి?" వంటి నిగూఢమైన ప్రశ్నలని తనకి తానే వేసుకుని చాలా ప్రశ్నలకి ఖచ్చితమైన జవబౌలు సాధించిన ప్రాచీన భారతీయ విజ్ఞానశాస్త్రం యొక్క ప్రతిపాదనల్ని తప్పు పడుతున్నాడు - అనంతమైన సాగరాన్ని తన బుడి బుడి అడుగులతో కొలవాలని చూస్తున్నాడు!

భగవద్గీత 10వ అధ్యాయం 10వ శ్లోకంలో "దదామి బుద్ధి యోగం" అని చెప్పిన దాన్ని బట్టి  దేవుణ్ణి చూడాలనే ఆలోచన కూడా మనంతట మనం ప్రయత్నిస్తే రాదు,జన్మజన్మల పుణ్యవిశేషం తగిన స్థాయికి చేరితే ఆయన సంతృప్తి పడి దయ తల్చి ఇస్తే తప్ప రాదు.గోగినేని బాబుకి అసలు చూడాలనే కోరికయే లేనప్పుడు "నాకు చూపించండి,అప్పుడే ఉన్నాదని నమ్ముతాను!" అని మనల్ని వేధిస్తే మనం అతనికి చూపించడం ఎట్లా సాధ్యం?ఇతరులు కూడా ఆతన్ని మార్చుదామని తపన పదకుండా అతని విధికి అతన్ని వదిలెయ్యడమే ఉత్తమం!

ఇతను చెప్తున్నవాటిలో నాకు తెలిసిన అతి పెద్ద అబద్ధం రాశుల గురించి గ్రీకుల నుంచి తెలుసుకున్నారనీ అంతకు ముందు మనవాళ్ళకి రాశుల గురించి ఏమీ తెలియదనీ దబాయించి మరీ చెప్పడం.గ్రీకుల వైభవం వారు చెప్పుకున్న చరిత్ర ప్రకారమే క్రీ.పూ 776 నుంచి మొదలవుతుంది.అప్పటికప్పుడు హఠాత్తుగా మొదలవదు కదా అని వెనక్కి వెళితే  క్రీ.పూ 1200 నుంచి క్రీ.పూ 1000కి మధ్యలో చిన్న స్థాయిలో మొదలై ఉండవచ్చు.అయితే మొదటి ఒలింపిక్స్ జరిగిన క్రీ.పూ 776 నాటికి ఇతరులకి తెలిసేటంత స్థాయిలో గుర్తింపు పొంది వారు కూడా ఆ సంవత్సరాన్నే తమ చరిత్రలో మొదటి సంవత్సరం అని చెప్పారు.అంటే,విద్య గానీ వ్యాపారం గానీ ప్రాభవం గానీ ఇప్పుడు మనం తెలుసుకోవాలనుకుంటున్న రాశుల గురించిన జ్ఞానం గానీ శైశవ దశలోనే ఉండి ఉండాలి - చరిత్రకారులు చెప్తున్న విషయం కాబట్టి నమ్మి తీరాలి.

గోగినేని బాబుకి గ్రీకుల పట్ల ఉన్న భక్తి వల్ల "వారు ఎంతటి సంక్లిష్టమైన విషయాలను కూడా అత్యంత వేగంగా అర్ధం చేసుకుని మరింత వేగంగా సూత్రీకరణలు చెయ్యగలిగిన అఖండప్రజ్ఞానిధులు!" అని తీర్మానిస్తే తప్ప ఇపుడు గ్రెకుల నుంచి వచ్చినదిగా చెప్పబడుతున్న రాశిచక్రం అప్పటికే ఏర్పడి ఉండటానికి వీల్లేదు.Yavanesvara (149/150 CE),Sphujidhvaja (269/270 CE) వంటి గ్రీకుల రచనలుగా చెప్పనడుతున్న జోడియాక్ క్యాలెండర్లు సుమారు క్రీ.పూ 550 నుంచి క్రీ.పూ 330 మధ్యన రాసినవిగా కనబడుతున్నాయి.

అతనికి తెలియదో లేక తెలిసినా తన ఆత్మీయల చిక్కుల్నీ ఇబ్బందుల్నీ లోపాల్నీ నష్టాల్నీ చూపించడం ఇష్టం లేక చెప్పడం లేదో గానీ ఆనాటి గ్రీకు రాశి చక్రాన్ని క్రైస్తవం పెరుగుతున్న తొలి దశ లోని అంధ యుగం మింగేసింది!అంధయుగం పోయి వెలుగు యుగం వచ్చి టాలెమీ కాలం తర్వాత కొత్త విషయాలు తెలుస్తున్నప్పుడు మర్చిపోయిన పాత విషయాల్ని గుర్తు చేసుకుని పేర్చిన రూపమే ఇప్పటి గ్రీకో రోమన్ జోడియాక్ చక్రం.కానీ క్రీ.పూ 3000 నాటి రుగ్వేద కాలానికే ఇక్కడి మేధావులు ఉండవలసిన అన్ని అంశాలతో కూడిన క్యాలెండరును తయారు చసేశారు - రాశిచక్రపు వివరాలతో సహా!

"సూర్యుడు నక్షత్రం అని తెలియదా నవగ్రహాల్లో చేర్చారు?నవగ్రహాల్లో భూమిని ఎందుకు చేర్చలేదు, మర్చిపోయారా?" అని తెలివినీ వెక్కిరింతనీ జోడించి అమాయకమైన ముఖంతో ప్రశ్నలు వేస్తున్నాడు - ఇతని కంటె అజ్ఞానులైన ఇతని అభిమానులు భలే ప్రశ్నలు వేస్తున్నాదని మురిసి ముక్కలయ్యేటట్టు.కానీ ప్రాచీన భారతీయ విజ్ఞానులు అక్కడ ఉదహరించిన "గ్రహం" ఆనె మాటకి ఆధునిక శాస్త్రవేత్తలు పెట్టిన "planet" ఆనె మాటకి ముడిపెట్టుకుని కన్ఫ్యూజ్ అవుతున్నది "పురాణం,చరిత్ర వేరు వేరు.ప్రతి మాటకీ ఒక నిర్దిష్టమైన అర్ధం ఉంటుంది.ఒక అర్ధాన్ని డిఫరెంట్ అర్ధాలు వచ్చే మాటల్ని ఒకే ఇన్సిడెంట్ గురించి వాడితే ఎవరైనా మీలాగే కన్ఫ్యూజ్ అవుతారు" అని సుభాషితాలు చెప్తున్న తనే అని తెలియదు పాపం!

ప్రాచీన భారత్తీయుల దృష్టిలో భూమి నుంచి చూస్తే ఆకాశంలో కదులుతూ కనపడుతున్న వాటినే నవగ్రహాలలో చేర్చారు.సూర్యుడు అనే నక్షత్రమూ, చంద్రుడు అనే భూమి యొక్క ఉపగ్రహమూ, సౌరమండలంలో కంటికి కనబడుతున్న అయిదు గ్రహాలూ కలిసిన ఏడింటినీ మొదట ఒక గ్రూపులో అనుకున్నారు.సూర్యుని యొక్క కక్ష్య చంద్రుని యొక్క కఖ్యతో intersect అవుతున్న రెండు nodal pointsనీ రాహు కేతువులు అన్నారు.అవి imaginary mathmatical points మాత్రమే కనుక చాయాగ్రహాలు అన్నారు.కాల గననాన్ని నిర్దేశించటానికి అవసరమైన ఈ తొమ్మిదింటిని మాత్రమే పట్టించుకుని పనిలేని వేతనశర్మలా ఇతను లెక్కపెట్టి చెప్తున్న లక్షా తొంభై మిలియన్ల పనికిరాని వాటిని ఉన్నాయని తెలిసి కూడా ఈ లిస్టులో చేర్చలేదు, అంతే!

సనాతనధార్మికులు వేదసాహిత్యాన్ని అర్ధం చేసుకోవడానికి అనుపలబ్ది అనే సూత్రం చెప్పారు.దాని అర్ధం నువ్వు ఒక విషయం గురించి అనంతమైన వైదిక సాహిత్యంలో ఫలానా చోట ఉండొచ్చునని నీకు నువ్వే అంచనా వేసుకుని నీకు దొరికిన ఒక మూల వెదికి అక్కడ లేకపోతే మొత్తం వైదిక సాహిత్యంలో ఎక్కడా లేదని తీర్మానించకూడదు అని.ఎందుకంటే,ఇవ్వాళ వైదికయుగం అని అనుకుంటున్న కాలం ఆ సాహిత్యం మొత్తం అపుడు పుట్టిన కాలం కాదు,కొన్ని లక్షల సంవత్సరాల వెనక నుంచి గురుశిష్యపరంపర ధారణ చేసుకుంటూ వచ్చిన దాన్ని గ్రంద్జస్థం చేసిన కాలం మాత్రమే!గురుశిష్యపరంపరలో నడిచిన జ్ఞానప్రవాహం యొక్క స్వరూపం ఎలా ఉంటుందొ తెలుసా!ప్రతి విషయానికి సంబంధించి ఒక సూత్రం, దాని విశ్లేషణ,వాస్తవ జీవితంలో ఉపయోగించాల్సిన విధానం ఉంటాయి కదా - మొదటి తరం గురువు సూత్రాన్ని మాత్రం చందస్సులో బిగించి మొదట శిష్యులతో దాని కంఠస్థం చేయించి అప్పుడు మిగిలిన రెండింటినీ తను వివరించి చెప్పేవాడు.శిష్యుల్లో ఆచార్యత్వాన్ని స్వీకరినంచినవాళ్ళు కూడా తర్వాత తరపు శిష్యులకి మొదట సూత్రాల్ని కంఠస్థం చేయించి వివరణల్మి చెప్పేవాళ్ళు.వేదాల్లో ఒక అక్షరాన్ని కూడా మార్చకూడదన్నది కూడా అందుకే.ఆ శ్లోకాల్లోని ప్రతి పదానికీ ఒక కోడింగ్ ప్యాటర్న్ ఉంటుంది.ఆ కోడింగ్ ప్యాటర్న్ అలా ఉన్నది అలా ఉంటేనే దాన్ని డీకోడ్ చేసి విశ్లేషణని కొనసాగించటం కుదురుతుంది.

వేదకాలంలో రాశులను గురించి మనవాళ్ళకి తెలియదు గ్రీకులు కనుక్కున్న తర్వాతనే వాళ్ల నుంచి నేర్చుకున్నాక పుట్టిన సాహిత్యంలోనే కనబడుతున్నాయి అని బల్లగుద్ది చెప్తున్న గోగినేని బాబు వాటి గురించి ఎక్కడ వెతకాలో అక్కడ వెతకలేదు.లేని చోట వెతికి అక్కడ లేవు గాబట్తి వాళ్ళకి రాశుల గురించి తెలియదని వదరుతున్నాడు.`ఋగ్వేదంలో దీర్ఘతమసుడు చెప్పీన సూక్తాల(RV I.140 – 164)లో స్పష్టమైన  వివరణలు ఉన్నాయి.`ఋగ్వేదకాలం, క్రీ.పూ 4,000 నుంచ్గి క్రీ.పూ 1500 మధ్య అని ఇప్పటికే నిర్ధారంచారు.మరి గ్రీకుల నాగరికత క్రీ.పూ 700 నుంచే మొదలైందనేది కూడా నిర్ధారణ అయ్యింది - మరి నిన్నటి గ్రీకులు చెప్తేనే మొన్నటి వైదీక ఋషులకి రాశుల గురించి తెలిసింది అని ఇతను ఎట్లా చెప్తున్నాడు?

పోనీ ఈయన అహాన్ని చల్లార్త్చడానికీ ఈయన మాటని నిలబెట్టడానికీ వైదిక కాలంలో ప్రిమిటివ్ నాలెడ్జి మాత్రమే ఉంది,గ్రీకులు ఆ నాలెడ్జిని డెవలప్ చెసుకోవడానికి సహాయం చేశారు అని అనుకోవడానికి కూడా వీల్లేదు.360 డిగ్రీల చక్రం గురించి చెప్పాడు.(RV I.140 – 164) దగ్గిర రాశులకి సంబంధం ఉన్న 12, 24, 36, 48, 60, 72, 108, 432, 720 వంటి సంఖ్యల మధ్యన ఉన్న సంబంధాల్ని కూడా వివరించాడు.720 అంటే ఏమిటో తెలుసా ప్రతి డిగ్రీ దగ్గిర ఒక జంట అస్తిత్వాలు ఉంటాయి.దీన్ని సగం చేస్తే 360 వస్తుంది కదా!(RV I.155.6) దగ్గిర "With four times ninety names (caturbhih sakam navatim ca namabhih), he (Vishnu) sets in motion moving forces like a turning wheel (cakra)." అని చెప్పాడు.మరొక చోట ముగ్గురు సోదరులను గురించి చెబుతాడు.వారి వర్ణనలని బటి చూస్తే 12 రాశులనీ నాలుగేసి చొప్పున మూడు భాగాలు చేసినప్పుడు మొదటి నాలుగు రాశులూ సూర్య తత్వాన్నీ రెండవ నాలుగు రాశులూ వాయు తత్వాన్నీ మూడవ నాలుగు రాశులూ అగ్నితత్వాన్నీ ప్రదర్శిస్తాయనీ తెలుస్తుంది.మరి ఇవన్నీ ఇతనికి ఎందుకు కనిపించలేదు?

అందరికీ అన్నీ మేమే నేర్పాం అనడం సాంస్కృతిక సామ్రాజ్యవాదం అని మాటిమాటికీ చిలకపలుకులు పలికే ఇతనికి కేవలం సైంటిస్టులే కాదు ప్రపంచంలో అనేక దేశాల నాగరికతల్నీ చరిత్రల్నీ తులనాత్మకమైన అధ్యయనం చేసిన ప్రతి మేధావీ భరతఖండమే సకల నాగరికతలకూ మాతృభూమి అని ఒప్పుకోవడం తెలియదా?ఒకవేళ మన దేశపు గొప్పదనం సందేహాస్పదం అయితే అప్పుడు తప్పు పట్టవచ్చు గానీ అందరూ ఒప్పుకున్న మన గొప్పని మనం చెప్పుకుంటుంటే ఇతనికి కంటగింపు దేనికి?అక్కడెక్కడో ఏదో యూనివర్సిటీలో జ్యోతిషం సబ్జెక్టుని తీసేశారు,ఇక్కడ కూడా ఆర్ట్స్ గ్రూపులో చేర్చారు, ఎంటర్టెయిన్మెంట్ కింద చేర్చారు అంటాడు ఎక్కడైనా బోటనీ,జువాలజీ,కెమిస్ట్రీ,ఫిజిక్స్,ఇంజనీరింగ్ సబ్జెక్టుల్ని మాత్రమే సైన్స్ అండ్ టెక్నాలజీ అంటున్నారు.ఇతని లెక్కన ఆర్ట్స్ గ్రూపులో ఉన్న ఎకనమిక్స్,సైకాలజీ లాంటివి కూడా జ్యోతిషం లాంటివేనా?తప్పులెన్నువారు తమ తప్పులెరుగరు అన్నట్టుంది ఇతని వ్యవహారం.

క్రీ.శ 550 నాటి వరాహమిహిరుడు ఇప్పటి ఇరాన్ ప్రాంతం నుంచి భారతదేశానికి వలస వచ్చి ఉజ్జయినిలో స్థిరపడిన కుటుంబం లోనివాడే!మ్లేచ్చులు,యవనులు అనే పదాల్ని మనవాళ్ళు తిట్ల కింద  వాడుతున్నారని ఎర్ర మేధావులు ఎగిరెగిరి పడతారు గానీ వాళ్లు కూడా మనవాళ్ళే.యయాతికి దేవయాని వల్ల ఇద్దరూ శర్మిష్ఠ వల్ల ముగ్గురూ కొడుకులు పుట్టారు - యదు,తుర్వసు,ద్రుహ్యు,అను,పూరు అనే వాళ్లనుంచి వరస ప్రకారం యదు వంశం,యవన(Turkish)వంశం,భోజ వంశం,మ్లేచ్చ(Greek)వంశం,పౌరవ వంశం పెరిగి భూమి సమస్తానికి వ్యాపించి సనాతనధర్మాన్ని విశ్వవ్యాప్తం చేశారు.ఇక్కడి నుంచి అక్కడికి వెళ్ళేటప్పుడు అప్పటి వరకు ఇక్కడ పోగుపడిన జ్ఞానరాశిని తీసుకువెళ్ళి అక్కడ తమ ప్రజ్ఞతో దానిని పెంచారు.తిరిగి ఇక్కడి వారికి పరిచయం చేశారు.ఇక్కడి వారు కూడా ఈ మధ్యన పెంచిన జ్ఞానరాశికి దానిని కూడా జత చేశారు.ఇప్పటి హిందూద్వేషుల వలె వారు వీరిని కానీ వీరు వారిని కానీ ద్వేషించలేదు,అవమానించలేదు - అందరిదీ ఓకే కుదురు అన్నది తెలుసు గనక వసుధైవకుటుంబభావన వారిలోనూ వీరిలోనూ మారాకులు వేసి పెరిగింది!

గోగినేని బాబు లాంటివాళ్ళు గ్రహాల్ని గురించి మొదట గ్రీకులే చెప్పారు అంటున్నారు గానీ ఆ గ్రీకులు వాటికి ఉన్న ఉపగ్రహాల గురించి ఏమి చెప్పారు?అదే వైదిక సాహిత్యం "yamagraha is luminous and together with dhooma and parivesha has crossed over to jyeshta the bright asterism ruled by Indra." అని చెప్తున్నది!మనాళ్లు వాటిని ఎట్లా చూస్తే స్పష్టంగా కనపదతాయో లెక్కలు కూదా వేసి చెప్పారు.the location of Dhooma, the upagraha of Mars can be obtained by adding 4 rashis  – 13 degrees and 20 minutes to the true rashi- degree-minute position of the Sun in a given day.పెట్టిన గడ్డి చాలునా?Parivesha, the upagraha of Moon can be obtained by adding 6 rashis to Vyatipada (the upagraha of rahu) which is already obtained by deducting 12 rashis from Dhooma!ఇవేవీ గ్రీకుల రచనలలో కనపడటం లేదు - ఎందుకు?చెప్పొచ్చేదేమిటంటే ఆదాన ప్రదానాలు రెండు వైపులకీ జరిగీనప్పటికీ ఏవరు ముందు తెలుసుకున్నారు,ఎవరి సిద్ధాంతం సమగ్రం అనే కొలతలతో నిష్పక్షపాతంగా కొలిస్తే త్రాసు భారతీయుల వైపుకే దిగుతుంది - UNDERSTAND!

"When the Gemini ascendant is occupied by a lonely Mars, not receiving any aspect and the 9th house is occupied by Saturn with its aspect falling on the 3rd house of siblings, there will be 4 brothers and 2 sisters having long life. The native will be in a high profile job from his 18th to 48th year of his age. He will enjoy great popularity and Raja yoga in the period of the 6th and 11th lord Mars." - ఈ ప్రిడిక్షన్ Gary Sobers విషయంలో ఎంత ఖచ్చితంగా సరిపోయిందో ఎలుసా!Gary Sobers is the famous cricketer of West Indies having the same planetary combination of Mars and Saturn.  He was the 5th child out of 6. He was at the peak of his career between 1954 and 1974 (18th  - 38th year when he ended his cricketing career ) but continued to enjoy popularity during  the said period of Nadi. దీన్ని అశాస్త్రీయం అంటున్న గోగినేని బాబు ఆధునిక విజ్ఞానశాస్తం తనకి నేర్పిన శాస్త్రీయతతో ఇటువంటి ప్రిడిక్షన్ చెయ్యగలడా?

అందరికీ అన్నిసార్లూ ఇంత ఖచ్చితమైన ఫలితం వస్తుందనే గ్యారెంటీ లేదనేదీ నిజమే.అయితే అది చెప్పేవాడి ప్రజ్ఞని బట్టి ఉంటుంది.చదివే శాస్త్రం ఒకతే అయినా నేర్పే గురువు ఒకరే అయినా అందరు శిష్యులూ ఒకే స్థాయి పాండిత్యాన్ని సాధించలేరు కదా!అవే సైన్సు పుస్తకాలు అదే టీచర్లూ అదే రకం ఎగ్జామ్సూ అయినా కొందరికే నోబుల్ ప్రైజులు ఎందుకు వస్తున్నాయి అని అడిగితే గోగినేని బాబు ఏమి జవాబు చెబుతాడు?దానికి ఆయన చెప్పిన అవాబే దీనికీ సరిపోతుంది!

శ్లో||ఫలాని గ్రహచారేణ సూచయంతు మనీషిణ
కో వక్తా తారతమ్యస్య తమేకం వేధసం వినా?
భా||మనీషులైనవారు గ్రహచారాన్ని గమనించి ఫలితాను సూవ్హనమాత్రంగానే చెప్పగలరు.ఖచ్చితమైన ఫలితం బ్రహ్మదేవునికి మాత్రమే సాధ్యం.అయితే, జ్యోతిషం అభాసుపాలు కావటానికి డబ్బు యావతో పంచె కట్టి పిలక పెట్టి జంఝం చూపించి వేళ్ళు ముడవటం తెరవటం లాంటి యాక్షను చాలు జనాన్ని నమ్మించడానికి అని మనీషులు కానివాళ్ళు కూడా జ్యోతిష్కుల వేషం కట్టడమే కారణం - అటువంటివాళ్ళని ఉతికి ఆరెయ్యదం మంచిదే!అతని మాటల్లో "నీ జిప్పు వూడిపోయింది పెట్టుకోమంటే నా పక్కవాడికి చెప్పకుండా నాకు చెబుతున్నావు గాబట్టి నువ్వు వాడికి కూడా చెప్పేవార్కు నేను నా జిప్పు పెట్టుకోను అనడం తప్పు!" అన్న పాయింటు నాకు పిచ్చపిచ్చగా నచ్చేసింది. అయితే, తన్ జిప్పు కూడా వూడిపోయే ఉందని తెలియదు పాపం - బుచికి బుచికోయమ్మ బుచికి!

కృష్ణస్వామి లాంటి వాళ్ళు ఎందుకు జవాబులు చెప్పలేక తడబడి పారిపోయారో తెలియదు గానీ రాశులు,గ్రహాలు,గృహాలకి సంబంధించి నేను చదివి తెలుసుకున్న ఈ కొంచెం జ్ఞానానికే జ్యోతిషంలో చెబుతున్న మానవరూప నవగ్రహాలకీ సౌరమండలంలోని గోళాకారపు నవగ్రహాలకీ పేర్లూ లక్షణాలూ కలుస్తున్నాయే తప్ప ఇవీ అవీ ఒకటి కావని తెలుస్తున్నది! ఇక్కడ ఆయా గృహాలలో ఉంటాయని చెబుతున్న గ్రహాలు మనిషి జీవితంలో ప్రముఖమైన స్థానాన్ని ఆక్రమించే కొన్ని అంశాలకి ప్రతిరూపం కల్పించి గణితశాస్త్రం ప్రకారం నిర్ధారించిన స్థిరాంకాలు.జ్యామెట్రీలో పై ఒక స్థిరాంకం,కదా!అలాగే ఇవి కూడా ఆ మనిషి జన్మించిన రేఖాంశలూ అక్షాంశాలూ జన్మతిధితో కలిసి అతని జీవితం మీద ప్రభావం చూపించే శక్తులకి ప్రతిరూపాలు.

1st: SELF, e.g. physical attributes, personality, fame & well being.
2nd: RESOURCES, e.g. family, wealth & status.
3rd: EFFORTS, e.g. younger siblings, actions, speech & courage.
4th: INTERESTS, e.g., mother, education, inner harmony & home.
5th: CREATIVITY, e.g. children, romance, speculation & trading.
6th: OPPOSITION, e.g. enemies, fixity of views, debts, health & conflict.
7th: PARTNER, e.g. husband/wife, foreign trips & leisure.
8th: ENDINGS, e.g. obstacles, death, inheritance, fathers income & beliefs.
9th: SUPPORT, e.g. father, guidance, higher thought, fortune & foreign things.
10th: CAREER, e.g. public persona, professional activities & fame.
11th: GOALS, e.g. elder brother, friends, plans, hopes, ideals & income.
12th: SEPARATION, e.g. grandfather, losses, far away places & prison.

మొదటి అంశం మనిషి యొక్క జీవితంలో అతి ముఖ్యమైనది కాబట్టి సకల జీవరాశులకీ ముఖ్యమైన సూర్య గ్రహపు లక్షణాలు ఈ అంశం యొక్క లక్షణాలతో కలుస్తున్నాయి గనక ఆ అంశానికి సూర్యుడికి సంబంధం కలిపి చెప్పారు.ఆరవ అంశంలో ఉండే నిగూఢమైన అంశాలకి అవే లక్షణాలను ప్రతిబింబించే శనితో కలిపారు.మిగిలినవి కూడా ఇలాంటి సంబంధాన్నే కలిగి ఉంటాయి.శని నెమ్మదిగా కదులుతాడు కాబట్టి మందుడు అన్నారు.ఇవి కూడా అందరు మనిషుల వ్యక్తిత్వంలో చాలా తక్కువ స్థాయిలో ప్రభావం చూపిస్తాయి కానీ కొందరిలో మిగిలిన వాటితో కలిసినప్పుడు  మాత్రం అవే జీవితానికంతటికీ ముఖ్యమైనవిగా ఆ మనిషిని ప్రభావితం చేస్తాయి.ఇవి సూటిగా ప్రభవాన్ని చూపించవు గనక వీటికి సంబంధించిన శనిది వక్రదృష్టి అన్నారు.ఇతనికేమో సనికి మెల్లకన్నా అని వెక్కిరించాలని అనిపిస్తున్నది - ఇతరుల పట్ల వారు అజ్ఞానంలో ఉన్నారని జాలి పడుతూనే మర్యాద ఉట్టిపడుతున్న ముఖంతో వెక్కిరించటం ఇతని జన్మగత సంస్కారం కాబోలు!

ఇతను నమ్ముతున్న మోడ్రన్ సైన్సులో కూడ ఐలాంటి పోలికలు ఉన్నాయి.సైకాలజీలో స్టాటిక్/స్ట్రక్చరల్ సైకాలజీ,డైనమిక్ సైకాలజీ అని రెండు ఉన్నాయి.డైనమిక్ సైకాలజీ ఎదిగుతున్న దశలలో మనస్తత్వం ఎలా మారుతుంది అన్నది చెబుతుంది.స్ట్రక్చరల్ సైకాలజీ దశలతో సంబంధం లేకుండా మొత్తం మనిషి యొక్క మూర్తిమత్వం ఎలా నిర్మించబడి ఉంటుంది అనే వివరాలతో నిండి ఉంటుంది.ఇందులో తరచు వినబడే సాంకేతిక పదాలు ఇడ్,ఇగో సూపర్ ఇగో,కాన్షస్,సబ్ కాన్షస్ వంటివి.ఇడ్(ఇదం) అంటే మనిషిలోని పశువాంచల సమాహారం.చూసిన ప్రతిదాన్నీ కోరుకునే లక్షణం.ఇగో(అహం) అనేది ఇడ్ యొక్క ప్రతిపాదనల్ని లాభమా నష్టమా అని బేరీజు వేసి లాభం అనుకుంటే ఒప్పుకోవడం,నష్టం అనుకుంటే తిరస్కరించడం చేస్తుంది.ఇడ్ వలె మనిషి పుట్టిన క్షణం నుండి ఉనికిలో ఉండదు.బయటి సమాజం విధించే శిక్షలూ సన్మానాల్ని నింపుకున్న సూపర్ ఇగో దీని మీద పెత్తనం చెయ్యడం మొదలు పెట్టాక సూపర్ ఇగోకీ ఇడ్ ప్రచోదనలకీ మధ్యవర్తిలా పనిచేస్తుంది.

ఈ మూడింటి కలయిక వల్లనే మనిషి మనస్తత్వం ఏర్పడుతుంది.ఈ మూడంటితోనూ వర్తమానంలో జరిగే అన్ని సంగతులకీ ఆ మనిషి ప్రవర్తించే పద్ధతులకి సంబంధించిన మొత్తం నిర్మితిని కాన్షస్ మైండ్(చేతన) అంటారు.అయితే,ఒకప్పుడు ఎంతో ప్రధానమై ఆ మనిషిలో విపరీతమైన స్పందనల్ని రగిలించిన సన్నివేశాల తాలూకు ప్రభావం కాలం గడిచే కొద్ది మర్చిపోయినప్పటికీ వర్తమానంలో వాటికి సంబంధం ఉన్న సంఘటన జరిగినప్పుడు గుర్తుకు వచ్చి ఆ మనిషినే ఆశ్చర్యపరుస్తాయి.అటువంటి జ్ఞాపకాల సమాహారమైన సబ్ కాన్షస్(అంతశ్చేతన) బలమైన స్థాయిలో ఉన్న వ్యక్తులు సృజనాత్మక రంగాలలో ఎక్కువ కనిపిస్తారు.మామూలు వ్యక్తులలో చేతనకీ అంతశ్చేతనకీ మధ్య అతి ఇరుకైన నడవా ఉంటే సృజనాత్మక వ్యక్తులలోఅది విశాలమైన రహదారిలా ఉంటుంది.

అంతశ్చేతన యొక్క ప్రభావాన్ని చెప్పటానికి మనోవైజ్ఞానికులు ఒక పోలిక కూడా చెబుతారు.ఒక బీకరులో అంచు వరకు నీళ్ళు ఉన్నాయనుకోండి.అందులో ఒక క్యూబ్ ఆకారంలో ఉన్న మంచుగడ్డ వేశామనుకోండి.మంచు గడ్డ నీటిలో మునగటానికీ బైటికి కనబడటానికీ 3:1 నిష్పత్తి ఉంటుంది,అవునా?ఆ పోలికలో మన మనస్సులోని చేతన మనకు తెలుస్తుంది గానీ మనలోనే ఉన్నప్పటికీ మన చేతన ఎల్లప్పుడూ  అంతశ్చేతన వల్ల ప్రభావితం అవుతూనే ఉన్నప్పటికీ ఎప్పుడో తప్ప దాని ఉనికి మంకు తెలియదు.ఇది మనోవైజ్ఞానికులు చెప్పిన పోలికయే కదా అని ఈ పెద్దమనిషి కనిపించిన ప్రతి మనిషి శరీరంలోనూ బీకరు కోసం, అందులో ఉన్న నీళ్ళ కోసం, వాటి మీద తేలుతున్న మంచుగడ్డ కోసం ఎక్కడ వెతుకుతాడు?

తన  కొవ్వును చూసుకోలేని idiot మతానికి కొవ్వు పట్టిందని అంటున్నాడు -Shit!