అసలు రామాలయం కడతామని చెప్పి అధికారంలోకి వచ్చాక రామాలయం గురించి మర్చిపోయిన బీజేపీని హిందువులు ఎందుకు తిరిగి అధికారంలోకి తీసుకురావాలి?

సుమారు గంటసేపు మధ్యలో దుబాసీల కోసం ఆగుతూ ఇంకొంచెం గొంతు పెంచితే కంఠనాళాలు తెగిపోతాయేమో అన్నంత గాఠ్ఠిగా అరుస్తూ మోదీ చేసిన ప్రసంగంలో ప్రధానమంత్రి పదవిలో ఉన్నవ్యక్తి నుంచి ప్రజలు ఆశించే హుందాతనం ఎక్కడయినా ఉందా?ఆ స్థాయి వ్యక్తి నుంచి ప్రజలు హుందాతనాన్ని ఆశిస్తారని మోదీకి తెలియదా, లేక మోదీ వ్యక్తిత్వంలోనే హుందాతనం లేదా! ప్రధాని అనే స్థానం కూడా ముఖ్యం కాదు ఇక్కడ - అక్కినేని నాగేశ్వర రావు లాంటి సినిమా నటుడు కావచ్చు, శ్రీశ్రీ వంటి రచయిత కావచ్చు,ఒక పారిశ్రామిక వేత్త కావచ్చు, బహిరంగ వేదిక మీద నుంచి విశాల ప్రజానీకాన్ని ఉద్దేశించి చేసే ప్రసంగం హుందాగా ఉండాలన్న గమనిక కూడా మోదీకి లేదా?

"నేను ఇక్కడికి నా పార్టీ ఖర్చులతో వచ్చాను!చంద్రబాబు ప్రభుత్వ సొమ్ముతో ఫొటో సెషన్ కోసం వెళ్ళాడు!" అని అంటున్న వ్యక్తికి కనీసం కామన్ సెన్సు అయినా ఉందా?ప్రధాన మంత్రి అయ్యేటప్పుడే కాదు, లోక్ సభ సభ్యుడిగా రాజ్యాంగం మీద ప్రమాణం చేశాడు కదా!ఏమని చేశాడు?అయిదేళ్ళ పాటు ప్రజలకి అంకితమౌతానని చేశాడా,మధ్యలో లీవు పెట్టి స్వంతపనులు చూసుకుంటూ ఉంటానని చేశాడా?ఇప్పుడు ఆంధ్రాకి తను లీవులో వచ్చాడా!అయిదేళ్ళ పాటు ప్రజలకి అనుక్షణం రక్షణగా ఉంటానని ప్రమాణం చేసినవాడికి స్వతఃపరః భేదం ఉండటమే తప్పు. అలాంటిది దాన్ని గొప్పగా చెప్పుకుంటున్నాడు చూడండి! తన బుర్రనుంచి పుట్టిందో వేరేవాడు రాసిస్తే పంచ్ బాగుందని వాడుకున్నాడో గానీ ఇంత తెలివితక్కువ మాటతో తెలివైన ఆంధ్రా వోటర్లని ఢమాల్న బుట్టలో పడెయ్యగలనని ఎట్లా అనుకున్నాడు?దేశప్రజలకి బాధ్యత వహించాల్సిన ప్రధానమంత్రి ఒక రాజకీయ పార్టీ యొక్క ప్రైవేటు సొమ్ముని వాడుకోఅవటం అనైతికతయే అవుతుంది.తనకి సిగ్గూ శరమూ ఉంటే ఆ తప్పుడు పని చేసినందుకు దేశప్రజలకి క్షమాపణ చెప్పాలి!

"తల్లిని చంపి పిల్లని పుట్టించారు!" అని ఎన్నికల ముందు జాలిని కురిపించి ఆ తల్లి గృహప్రవేశానికి పిలిస్తే వెళ్ళి ప్రత్యేకహోదా గురించి గట్టి  హామీ ఇచ్చి సంతోషపెట్టాల్సిన సందర్భంలో కుండెడు మట్టీ బిందెడు నీళ్ళూ ఇచ్చి సరిపెట్టేసి ఉసూరుమనిపించినవాడు మనిషా పశువా రాక్షసుడా!అంటే, ఆంధ్రాకి ప్రత్యేక హోదా ఇవ్వకూడదనే నిర్ణయం అప్పటికే జరిగిపోయిందని తెలియడం లేదూ!"అసలు ఆంధ్రాకి ఇంకేదైనా ఇస్తాం గానీ ప్రత్యేక హోదా మాత్రం ఇవ్వం అని భీష్మించుకోవడానికి కారణం ఏమిటి?" - ఈ ఒక్క ప్రశ్నకి జవాబు చెప్పగలిగితే చాలు మోదీ ప్రజలకి మేలు చెయ్యడం కోసమే రాజకీయాల్లోకి వచ్చాడనీ బీజేపీ హిందువుల్ని ఉద్ధరించడానికి కంకణం కట్టుకున్న పార్టీ అనీ మనం నమ్మవచ్చును.

అప్పుడు వాళ్ళు చెప్పిన  "ప్రత్యేక హోదా వల్ల వచ్చే 10 కోసం పట్టుపట్టకపోతే ప్యాకేజీ పేరుతో 20 ఇస్తాం" అన్న ముక్కలో ఉన్న లాజిక్కు నాకు ఇప్పటికీ అర్ధం కావడం లేదు.ఆ పేరుతో కాకపోతే 20 ఇవ్వడానికి సిద్దపడినవాళ్ళకి ఆ పేరుతో 10 ఇవ్వడానికి చేతులు రాకపోవటం ఏంటి?మొదట ప్రత్యేక ప్యాకేజీ ప్రతిపాదన చేసిందీ వాళ్ళే, అది కూడా ప్రత్యేక హోదా అడక్కపోతేనే అన్న మెలిక పెట్టిందీ వాళ్ళే, మరో ఆప్షన్ లేని స్థితిలో బాబుని నిలబెట్టిందీ వాళ్ళే, ఇస్తామన్నది కూడా బిచ్చం వేసినట్టు కాస్త కాస్త విదిలిస్తూ ఇచ్చినవాటికి లెక్కలు అడిగి విసిగించినదీ వాళ్ళే, పొమ్మనకుండా పొగబెట్టినట్టు ప్రవర్తించి ఎన్నికల్లో గెలవడానికి మమ్మల్ని వదిలేశాడని బ్లేం చేస్తున్నదీ వాళ్ళే - అన్ని సందర్భాల్లోనూ బాబుని బలిపెట్టి తప్పుకోవటానికి చూశారు తప్ప ప్రత్యేక హోదా ఇచ్చి ఆంధ్రప్రజల్ని సంతోషపెడదామనే సద్బుద్ధిని మాత్రం ప్రదర్శించ లేదు భారతీయ జనతా పార్టీ నాయకులు.పిచ్చోడా!నిన్నటి వరకు నీ మంత్రివర్గంలో భాగస్వామిగా ఉన్నవాడు సరిగ్గా ఎన్నికల ముందు నీతో కలిసుంటే ఎన్నికల్లో గెలవనని అనుకోబట్టే కదా నీతో తెగదెంపులు చేసుకున్నది - అది నీకు గర్వకారణమా?

భాజపా వ్యూహకర్తలు తమ మేధావిత్వాన్ని గురించి అతిగా వూహించుకుంటూ ఇలా ప్రవర్తిస్తున్నారేమో గానీ "ఆంధ్రాకి హోదా ఇవ్వకుండానే మనం ఆంధ్రాలో ప్రయోజనం పొందాలి!" అనే మూర్ఖత్వాన్ని వదులుకుని ఆలోచించాలి. హోదా ఇచ్చినా ఆంధ్రాలో ఇప్పటికిప్పుడు అధికారంలోకి రాగలిగిన స్థాయిలో భాజపా లేదు, అవునా?అలాంటప్పుడు బాబు అనే బొమ్మని వీక్ చేసి జగన్ అనే బొమ్మని స్ట్రాంగ్ చెయ్యటం ఇగోని చల్లార్చవచ్చు గానీ భాజపాకి వచ్చే నికర లాభం ఏమిటి?

నేను జగన్ ముఖ్యమంత్రి కావటాన్ని వ్యతిరేకించేది అతను అవినీతిపరుడని కాదు, అసమర్ధుడని మాత్రమే!సమర్ధుడైన చంద్రబాబుని శత్రువుని చేసుకుని అసమర్ధుడైన జగన్ని మిత్రుణ్ణి చేసుకుని వీళ్ళేమి సాధించగలరో నాకు అర్ధం కావటం లేదు!ఒక రాజకీయ నాయకుడు అధికారంలోకి వస్తే సమర్ధంగా పరిపాలించగలడా లేదా అనేది అధికారంలో లేనప్పటి అతని ప్రవర్తనని బట్టే తెలుసుకోగలం.ఆ లెక్కన చూస్తే చంద్రబాబు రాజశేఖర రెడ్డి అంతటివాణ్ణే తట్టుకుని నెగ్గుకు రాగలిగాడు - రాజశేఖర రెడ్డి నచ్చినవాళ్ళని అందలమెక్కించటం నచ్చనివాళ్ళని తొక్కెయ్యటం ఏమాత్రం నదురూ బెదురూ లేకుండా చేశాడనేది గుర్తుంచుకుంటే స్వపక్షం వాళ్ళే బెదిరిపోయిన కాలంలో ప్రతిపక్షంలో ఉండి అతన్ని తట్టుకోవటం ఎంత కష్టమో అర్ధం అవుతుంది!జగన్ అంత సమర్ధుదే అయితే శాసనసభలో అడుగుపెట్టకుండా బయట బయట ఎందుకు తిరుగుతాడు! నేను తల్చుకుంటే ఒక గంటలో ఈ ప్రభుత్వం కూలిపోతుంది అని గొప్పకి పోయి సాయంకాలానికల్లా రివర్సు గేరులో చంద్రబాబు కొట్టిన దెబ్బకి బిక్కమొగం వేసిన జగన్  భాజపాజీ తెలంగాణ తొట్టిగ్యాంగుకీ గొప్ప సమర్ధుడిలా కనపడుతున్నాడా?

మీరు ఇచ్చినవాటికి లెక్కలు అడిగితే బాబు మేము కట్టిన పన్నుల లెక్క అడుగుతున్నాడు - ఇంటి పక్క కోమటి కొట్టులో గుమాస్తా మాట్లాడినట్టు మాట్లాడకండి, జాతీయ స్థాయి నాయకులు వీధి గూండాల స్థాయిలో మాట్లాడితే మీకు లేకపోయినా చూసేవాళ్ళకి సిగ్గేస్తుంది - మీకు వోట్లేసి గెలిపించి మిమల్ని అక్కడికి పంపించినవాళ్ళ మీద జాలేస్తుంది!విజయ్ మాల్యని దొడ్డిదారిన దేశం దాటించిన గొప్ప చౌకీదారువి నువ్వు అవినీతి గురించి మాట్లాడితే నవ్వొస్తుంది గానీ ఓట్లు పడవు.మీరిచ్చిన నిధుల్ని సద్వినియోగం చెయ్యలేదని చంద్రబాబుని అసమర్ధుడని అంటున్నావే, వంద రోజుల్లో అవినీతిపరులు స్విస్ బ్యాంకులో దాచుకున్న డబ్బునంతా తెస్తానని  తేలేకపోయిన నీ అసమర్దత సంగతేంటి?

"చంద్రబాబు ఒకసారి గెలిస్తే రెండోసారి ఓడిపోతాడు!ఎవరో ఒకరితో కలిసి తప్ప ఒంటరిగా గెలవలేడు!" అనే మూఢనమ్మకాల్ని కూడా వాడుకుంటున్నారు గానీ అతను ప్రతిపక్షంలో కూడా సమర్ధంగానే వ్యవహరించి పార్టీని కాపాడుకుని మళ్ళీ అధికారంలోకి రాగలిగాడనేది మరిచిపోతున్నారు. ఒకటి మాత్రం నిజం - కేసీయార్, జగన్, మోదీ ఏదో ఓక సందర్భంలో బాబుని వ్యక్తిగతమైన విషయాలను ప్రస్తావించి దిగజారుడు భాషతో అవమానించినప్పటికీ జవాబు చెప్పటమే తప్ప తనుగా ఎవ్వర్నీ వ్యక్తిగతమైన ఆరోపణల్తో దెబ్బతియ్యాలని చూడలేదు చంద్రబాబు!

అక్కడా ఇక్కడా ఉన్న భాజపా వాళ్ళు "మేము మహా మేధావులం, వ్యూహరచనలో చాణక్యుణ్ణి మించినవాళ్ళం - మా వ్యూహం సత్ఫలితాలనే ఇస్తుంది"  అని అనుకుంటూ ఉన్నారేమో గానీ అప్పటి నుంచి ఇప్పటి వరకు ప్రత్యేక హోదా ఇవ్వకుండా తప్పించుకోవడానికి వాళ్ళు పడుతున్న పాట్లూ వేస్తున్న వెధవ్వేషాలూ ఆంధ్రాలో అతి సామాన్యుడికి కూడా తెలుసు!నేను బీజేపీ మేలు కోరి వాళ్ళకి ఇస్తున్న సలహా ఏమిటంటే, మేము జాతీఅయ్ పార్టీ సభ్యులం, బాబుది ప్రాతీయ స్థాయి అనే అహంకారాని వదుకుకుని మీరు ఎంత తెలివైన్వాళ్ళమని అనుకున్నా మీరు చేస్తున్న పనులన్నీ మీరు కావాలనే ఆంధ్రా మీద పగబట్టి ప్రత్యేక హోదా ఇవ్వడం లేదనే భావం ఆంధ్రా వోటర్లలో ఉన్నదనేది గమనించండి!అక్కడ వేరే పార్టీవాడు అధికారంలో ఉంటే ఇవ్వకపోవడమూ తమ పార్టీకి వోటు వేస్తేనే ఇవ్వడమూ లాంటి చెత్తపనులు చేసి కాంగ్రెస్ ఏమి సాధించింది?ఆ పార్టీని ఆ స్థితికి నెట్టిన ఘనకార్యం మీరు చెయ్యలేదు - అది దుర్మార్గం అని తెలిసిన ప్రజలు చేశారు!

అప్పటికే మీరు ఆంధ్రాకి ప్రత్యేక హోదా ఇవ్వకూడదని నిర్ణయించుకోవడం వల్లనే ఆ రోజున కుండెడు మట్టీ చెంబెడు నీళ్ళతో సరిపెట్టేశారనే క్లూ తోచడానికి నాలాంటి మేధావికి కూడా ఇంతకాలం పట్టింది, అమాయకుడైన చంద్రబాబుకి ఎలా తెలుస్తుంది పాపం!ప్రజల్ని మోసం చెయ్యగలగడంలో మీ టక్కరితనాన్ని మెచ్చుకుని తీరాల్సిందే!కానీ ఇప్పుడు నాకు తెలిసిపోయిన సంగతి నేడో రేపో ఆంధ్రాలోని ప్రతి ఓటరుకీ తెలిసిపోతుంది, అప్పుడు మీ పరిస్థితి యేంటి?