వరమిస్తావా ఓ సుకుమారీ, నీ కళ్ళను ఎపుడూ నానుంచి మరలిపోనివ్వనని!

అబ్బాయి:
వరమిస్తావా ఓ సుకుమారీ,
నీ కళ్ళను ఎపుడూ నానుంచి మరలిపోనివ్వనని!

చరణం:
అందం చూడకనే అనుబంధం పేనవేసుకుని
బంధం వీడకనే అనుక్షణం గిరిగీసుకుని
అందరు కోరుకునే పూర్ణమిదం సాధించాలని
పిచ్చివాడిలా నీచుట్టూ తిరుగుతున్న నాకు...
||ప||

చరణం:
అహం పోవడానికి ఉపాయాలు చెప్తావని
భవం దాటడానికి సహాయాలు చేస్తావని
అభయానికి ఏకమేవాద్వితీయం నేర్పుతావని
పిల్లవాడిలా నీ కడకొంగును పట్టుకున్న నాకు...
||ప||

చరణం:
నన్ను నీతో కలుపుకుని మనం అనుకోవడానికి
మనం ఇల్లొకటి కట్టుకుని కుటుంబం అవడానికి
కుటుంబం పెరిగి బంధువులై సమాజం అవడానికి
బిచ్చగాడిలా దోసిలిపట్టి నీముందు నిలుచున్న నాకు...
||ప||

చరణం:
నువ్వు తప్ప ఇంకెవరూ నాకు అక్కరలేదని
నేను తప్ప ఇంకెవరూ నీకు ఉండకూడదని
మనకి మనం త్వమేవాహం అయిపోవాలని
భక్తిలోని సంపూర్ణశరణాగతిని అందుకున్న నాకు...
||ప||

అమ్మాయి:
వరమిస్తావా ఓ ముచికుందా,
నీ కళ్ళను ఎపుడూ నానుంచి మరలిపోనివ్వనని!

చరణం:
అందం చూడకనే అనుబంధం పేనవేసుకుని
బంధం వీడకనే అనుక్షణం గిరిగీసుకుని
అందరు కోరుకునే పూర్ణమిదం సాధించాలని
పిచ్చిదానిలా నీచుట్టూ తిరుగుతున్న నాకు...
||ప||

చరణం:
అహం పోవడానికి ఉపాయాలు చెప్తావని
భవం దాటడానికి సహాయాలు చేస్తావని
అభయానికి ఏకమేవాద్వితీయం నేర్పుతావని
చిన్నపిల్లలా నీ ఉత్తరీయం పట్టుకున్న నాకు...
||ప||

చరణం:
నన్ను నీతో కలుపుకుని మనం అనుకోవడానికి
మనం ఇల్లొకటి కట్టుకుని కుటుంబం అవడానికి
కుటుంబం పెరిగి బంధువులై సమాజం అవడానికి
బిచ్చగత్తెలా దోసిలిపట్టి నీముందు నిలుచున్న నాకు...
||ప||

చరణం:
నువ్వు తప్ప ఇంకెవరూ నాకు అక్కరలేదని
నేను తప్ప ఇంకెవరూ నీకు ఉండకూడదని
మనకి మనం త్వమేవాహం అయిపోవాలని
భక్తిలోని సంపూర్ణశరణాగతిని అందుకున్న నాకు...
||ప||

P.S:అమ్మాయిలూ అబ్బాయిలూ I LOVE YOU చెప్పుకోవడానికి ఎవరి version వాళ్ళకి రాశాను, బాగుంది కదూ!