యెన్నికల వేళ పంచటానికి ఒక సీసాడు పద్యం!

సీ||          యెవడండి ఇక్కడ చెవిలోన పూల్గుత్తి
                 పెట్టుకు తిరిగేటి పిచ్చి వెధవ?

                  లేకి మాటలు వాగి, లేని వాటికి ఆశ
                  చూపించి, రూక లిచ్చి తమ వోటు

                  ను కొను దండగమారి నేత లందరు గొప్ప
                  నీతిపరు లనుకొని, కుల గోత్ర

                  ములకు విలువ నిచ్చి, మోసకారుల నదే
                  పనిగ పోటీకి దింపేటి పాత

తే||            కులను గొప్పవారని నమ్మి, కాస్త మేలు
                   కే దభాలున పడిపోయి కాటి కాప
                   రులను మించిన వార్ని కుర్చీల పైన
                   చేర్చి - బంగరు భవిత కాశ పడు వాడు!
(20/04/2014)