నా తొలి పుస్తకం "శ్రీ రాఘవం!శ్రీ మాధవం!" పుస్తకం అమ్మకానికి సిద్ధం - ఇది నా రెండో అడుగు!

          ఎప్పుడో చాలా కాలం క్రితం ఒక వ్యాఖ్యాత మిత్రులు నా మెదడులో ఒక విత్తనం నాటారు,"మీ భావాలు బాగున్నాయి,ఇలాంటి విషయాలు ఎక్కువమందికి తెలియాల్స్దిన అబసరం ఉంది - ప్రింటు రూపంలో తీసుకొస్తే బాగుంటుంది" అని.మొదట "ప్రపంచమొక నిరంతర భోగయాత్ర!" అని పేరు పెట్టి "అవే దృశ్యాలు..." అనే పోష్టుతో ఆగేటట్టు కొన్ని పోష్టుల్ని కలిపి కినిగె దగ్గిర ప్రయత్నించాను.కానీ అది కార్యరూపం దాల్చలేదు.తర్వాత మెల్లగా బ్లాగుల్లోకి వచ్చినప్పుడు శ్రీకారంతో మొదలుపెట్టాను,ఇక్కడ కూడా ఆదే చేద్దాం అనే కొత్త ఆలోచన పుట్టి పెరిగి పెద్దదై ఈ ప్రయత్నం మొదలుపెట్టాను.ఇక్కడా ఆదివిఘ్నం జరిగి నిరాశలో ఉంటే మిత్రులు JV publikaeshans గురించి ప్రస్తావించారు.అలా ఇప్పటికి ఒక రూపం తయారై వచ్చింది.

          మొదటి రోజుల్లో చాలా హుషారుగా అనిపించింది గానీ జ్యోతిగారు చెప్పిన వాస్తవాలు విన్నాక పుస్తక ప్రచురణ అంత లాభసాటి కాదని తెలిసింది.జనంలో చదివే అలవాటు పోయింది.అసలు ఈ తరానికి దేనిమీదా ఆసక్తి లేదు,ఎందుకో మరి!సరే,దిగాక ముందే నీరసపడటం దేనికి?నా పోష్టుల్లో ఉండే చదివించే లక్షణం మీద నమ్మకంతో బయలుదేరాను, ఒకవేళ పరిస్థితి నీరసంగా ఉంటే "మహామహుల పుస్తకాలే అమ్ముడుపోవటం లేదు, మనదేముంది?" అని అప్పుడే సరిపెట్టుకోవచ్చు:-)

          నా పోష్టుల్లో నేను ఎన్నుకుని ఇందులో ఉంచినవి 12 పోష్టులు.మొదటి అయిదూ రామాయణం గురించిన విమర్శలకి ప్రతి విమర్శలూ విశ్లేషణలూ.తర్వాత రెండూ అయోధ్యలో రామాలయ నిర్మాణం కోసం హిందువులు చేసిన, చేస్తున్న పోరాటం యొక్క చరిత్ర.తర్వాత నా కవితల్లోకల్లా మంచిదైన "నీ ప్రేమ నాకు భవరాగ బంధమోక్షణం" అనే ఎవరికి వారు పాడుకోవటానికి అనువైన కీర్తన. దాని తర్వాత విశిష్టమైనది 11వ వ్యాసం "విశ్వసృష్టిరహస్యం మేడీజీ - ఫ్రం వేదవ్యాస టు హరిబాబు!" అనేది. ఇందులో హిందూధర్మానికి సంబంధించి ప్రతి ఒక్కరూ తెలుసుకోవాల్సిన ఎన్నో విషయాలని సింపుల్ లాంగ్వేజిలో చెప్పాను.

1. హిందూ ధర్మ ప్రహేళికలు - చారిత్రక విషాదం!

2. హిందూ ధర్మ ప్రహేళికలు - రామకధా వైభవం!

3. హిందూ ధర్మ ప్రహేళికలు - రామకధా విశ్లేషణం!

4. హిందూ ధర్మ ప్రహేళికలు - రామకధా విమర్శనం!

5. హిందూ ధర్మ ప్రహేళికలు - రామకధా విజృంభణం!

6. సచ్చా ముసల్మాన్లు అయోధ్యలో రామాలయం కట్టడాన్ని వ్యతిరేకించరు - శ్రీరామ జయం!

7. సీతమ్మ వారి పుట్టింట్లో యెంత వైభోగం?రాముల వారి నట్టింట్లో యెంత నైరాశ్యం!

8. నీ ప్రేమ నాకు భవరాగ బంధమోక్షణం!శ్రీ రుక్మిణీనాధ, నీ ప్రేమ నాకు దివ్యౌషధం!

9. బ్రహ్మకి ఆలయపూజావిధానం ఎందుకు లేదు?శివుణ్ణి లింగరూపంలోనే ఎందుకు పూజించాలి!

10. హర హర గంగే!హరిత సస్య తరంగ నూపుర మంగే!

11, విశ్వసృష్టిరహస్యం మేడీజీ - ఫ్రం వేదవ్యాస టు హరిబాబు!

12. శ్రీరాఘవం! దశరధాత్మజం! అప్రమేయం!

          చదివిన వారికి రుచి తెలిసి వూపు వస్తే మాత్రం ఫలితం అద్భుతంగా ఉంటుంది.తను అధికారంలోకి వస్తే రామాలయ్ నిర్మాణం చేస్తానని ఒకనాడు 2 సీట్లకే పరిమితమై హిందూ మతతత్వ పార్టీ అని అవమానించబడుతున్న స్థాయి నుంచి ఈనాటి స్థాయి వరకూ ఎదిగిన బీజేపీ తన ఉత్ధానానికి కారణమైన రాముణి మర్చిపోయి తన పార్టీకి చెందిన సన్యాసి ముఖ్యమంత్రి కూడా నిన్నటి కేరళ ఎన్నికల్లో బఫూనులా తయారై రేపటి ఎన్నికల్లో తను ప్రచారం చేసినా గెలుపు కష్టమై దిక్కులు చూడాల్సిన స్థితిలో నిలబడిన సమయంలో కూడా దానికి కారణం ఏమిటో తెలుసుకోలేని అజ్ఞానంతో ప్రవర్తిస్తున్నది - అయోధ్యలో రామాలయం కడితే చూడాలని తపిస్తున్న రామభక్తుల్ని మోసం చేస్తున్నది,అయినా హిందువుల్లో బెజేపీ పట్ల కోపం రాకపోవడానికి ఆ లక్ష్యం కోసం జరిగిన ప్రయత్నాలకి సంబంధించిన చరిత్ర తెలియకపోవడమే కారణం అని నా నమ్మకం!

          168 పేజీల పుస్తకం ధర Rs.150/-గా నిర్ణయించటం జరిగుంది.ప్రతులకు జ్యోతి వలబోజు గారిని సంప్రదించవలసిన చిరునామా:<jyothivalaboju@gmail.com>నేను కడుపులో చల్ల కదలకుండా కూర్చుని రాసిన పోష్టులు కాబట్టి రాసేటప్పుడు నేను కులాసాగానే రాశాను గానీ ధూర్జటి ఫాంట్ వాడి పుస్తకానికి ఇంత చక్కని రూపం తీసుకొచ్చిన జ్యోతి వలబోజు గారి కష్టమే ఎక్కువ.పుస్తకం మంచి ఫలితాన్ని ఇస్తే నాకన్నా ఎక్కువ కష్టపడిన ఆమెకే క్రెడిట్ ఇవ్వాలి!

జై శ్రీ రాం!